ડૉ. હેડગેવારજીના નિવાસ પર આધારિત વિશેષ આવરણ, માહિતી પુસ્તિકા તથા કાયમી સચિત્ર ટપાલ મુદ્રાનું લોકાર્પણ
ડૉ. હેડગેવારજીના જીવનમાં સંઘ કાર્ય અને રાષ્ટ્રકાર્ય સિવાય બીજો કોઈ વિષય નહોતો : ડૉ. મોહન ભાગવતજી
ભારતીય ટપાલ વિભાગ, નાગપુર દ્વારા રાષ્ટ્રીય સ્વયંસેવક સંઘના સ્થાપક પૂજનીય ડૉ. કેશવ બલિરામ હેડગેવારજીના ઐતિહાસિક નિવાસસ્થાન “ડૉ. હેડગેવાર નિવાસ, નાગપુર” પર આધારિત વિશેષ આવરણ(Special Cover), માહિતી પુસ્તિકા (Brochure) તથા કાયમી સચિત્ર ટપાલ મુદ્રા (Permanent Pictorial Cancellation)ના લોકાર્પણનો સમારોહ યોજાયો હતો.
આ પ્રસંગે રાષ્ટ્રીય સ્વયંસેવક સંઘના સરસંઘચાલક પૂજનીય ડૉ. મોહન ભાગવતજીએ જણાવ્યું હતું કે, “ડૉ. હેડગેવારજી અને સંઘ એકબીજાથી અભિન્ન છે. તેમના જીવનમાં સંઘ કાર્ય અને રાષ્ટ્રકાર્ય સિવાય બીજો કોઈ વિષય નહોતો.” તેમણે જણાવ્યું કે આ જ ઐતિહાસિક ભવનના ઉપરના માળે આવેલી તેમની કોઠરીમાં વિજયાદશમીના પાવન દિવસે રાષ્ટ્રીય સ્વયંસેવક સંઘની સ્થાપના થઈ હતી. તે સમયે સંઘ નાનો હતો, પરંતુ આજે તેનું કાર્ય સમગ્ર દેશમાં વ્યાપક રીતે વિસ્તર્યું છે.
તેમણે જણાવ્યું કે સંઘના કાર્યનો વ્યાપ સતત વધ્યો છે અને દેશ-વિદેશમાં તેના પ્રત્યેની ઉત્સુકતા સતત વધી રહી છે. માત્ર જિજ્ઞાસા જ નહીં, પરંતુ મનુષ્ય નિર્માણની સંઘની કાર્યપદ્ધતિ આજે વિકાસના માર્ગે આગળ વધી રહેલા અનેક દેશોની પણ આવશ્યકતા બનતી જઈ રહી છે. વ્યક્તિ નિર્માણની આ પરિણામલક્ષી કાર્યપદ્ધતિ અત્યંત ઉપયોગી સાબિત થઈ રહી છે.
સરસંઘચાલકજીએ જણાવ્યું કે આ સંઘ માટે ગૌરવનો વિષય નથી, પરંતુ દાયિત્વ અને જવાબદારીમાં વૃદ્ધિ થવાનો વિષય છે. સંઘનું કાર્ય રાષ્ટ્રસેવાનું કાર્ય છે અને સંઘે ક્યારેય પ્રચાર કે પ્રસિદ્ધિની અપેક્ષા રાખી નથી. પરંતુ આજે જ્યારે સમાજ અને વિશ્વ તેના પ્રત્યક્ષ પરિણામો જોઈ રહ્યું છે, ત્યારે અનેક સજ્જન લોકો તેના વિસ્તરણમાં સહભાગી થવાની ભાવનાથી આગળ આવી રહ્યા છે.
ભારતીય ટપાલ વિભાગનો આભાર વ્યક્ત કરતાં તેમણે જણાવ્યું કે વિશેષ આવરણ, માહિતી પુસ્તિકા તથા કાયમી સચિત્ર ટપાલ મુદ્રા જાહેર કરીને વિભાગે મનુષ્ય નિર્માણના આ કાર્ય પ્રત્યે પોતાની સદ્ભાવના વ્યક્ત કરી છે. આથી સંઘના કાર્ય તથા તેના ઉદ્દેશોની જાણકારી વધુમાં વધુ લોકો સુધી પહોંચશે અને સમાજમાં આ કાર્યને નવી ગતિ મળશે.
તેમણે વિશ્વાસ વ્યક્ત કર્યો કે રાષ્ટ્રની અપેક્ષાઓને અનુરૂપ ચારિત્ર્યવાન, સક્ષમ અને સેવાભાવી નાગરિકોના નિર્માણને આ કાર્ય દ્વારા વધુ વેગ મળશે તેમજ સમાજનો સહયોગ આ દિશામાં મહત્વપૂર્ણ ભૂમિકા ભજવશે.
આ કાર્યક્રમમાં સહ પ્રાંત સંઘચાલક શ્રીધર ગાડગેજી, મહાનગર સંઘચાલક રાજેશ લોયાજી, નાગપુર ક્ષેત્રના ટપાલ સેવાઓના નિયામક ડૉ. સુધીર જાખેરેજી, મહારાષ્ટ્ર અને ગોવા પરિમંડળના મુખ્ય પોસ્ટમાસ્ટર જનરલ રામચંદ્ર જયભાયેજી, ટપાલ વિભાગ, નાગપુરના અધિકારીઓ તથા કર્મચારીઓ અને ડૉ. હેડગેવાર સ્મારક સમિતિ, નાગપુરના સભ્યો ઉપસ્થિત રહ્યા હતા.
________________
સોર્સ
Editor,
Vishva Samvad Kendra – Saurashtra
First Floor,
Ramkrushna Appartment,
Manhar Plot St No 19
Opp. Rashtriya Shala , Nevil Network
Rajkot 360001 (Gujarat)
_____________રીગાર્ડ્સ
ભરત જી. ભોગાયતા
પત્રકાર (ગવર્મેન્ટ એક્રેડેટ)
બી.એસ.સી., એલએલ.બી.(+special), ડી.એન. વાય. (ગુજ.આયુ.યુની.), જર્નાલિઝમ (હિન્દી)
મીડિયા કન્સલ્ટન્ટ, સ્પીચ and સોશિયલ મીડિયા કન્ટેન્ટ રાઇટિંગ , ગુજરાતી + અંગ્રેજી અખબાર પત્રકાર
Since 1998 (worked with ગૂજરાત સમાચાર, દિવ્ય ભાસ્કર,સંદેશ, ભૂમિ,ખબર ગુજરાત , NAYA BHARAT &othrs.
8758659878
bhogayatabharat @gmail.com
