અમેરિકી નાણામંત્રી સ્કોટ બેસેન્ટે કહ્યું છે કે ટ્રેઝરી વિભાગે ઈરાનના એવા નેટવર્કની ઓળખ કરી લીધી છે જેનો ઉપયોગ તેલની હેરફેર, ફંડ મેળવવા અને અમેરિકન પ્રતિબંધોથી બચવા માટે થાય છે. અમેરિકાએ ઈરાનના ગ્લોબલ ફાઇનાન્શિયલ નેટવર્ક સામે મોટું અભિયાન શરૂ કર્યું છે. વોશિંગ્ટન હવે દુનિયાભરની સરકારો પાસેથી ઈરાન સાથે જોડાયેલી કેટલીક પ્રવૃત્તિઓ બંધ કરવાની અપેક્ષા રાખી રહ્યું છે. આ માટે દેશોને નિર્ધારિત સમયમર્યાદામાં કાર્યવાહી કરવા કહેવામાં આવ્યું છે.
અમેરિકી નાણામંત્રી સ્કોટ બેસેન્ટે કહ્યું કે અમેરિકાનો હેતુ ઈરાનની સરકારને સહારો આપતી નાણાકીય લાઇનોને કાપવાનો છે. અમેરિકા ઈરાનને આવક મેળવવામાં અને પ્રતિબંધોથી બચવામાં મદદ કરતા આર્થિક રસ્તાઓને નિશાન બનાવી રહ્યું છે. વોશિંગ્ટન ઈચ્છે છે કે ઈરાન સાથે વેપાર કરતા દેશો અને કંપનીઓ પોતાના સંબંધો અંગે ફરી વિચાર કરે. બેસેન્ટે કહ્યું કે ઈરાન સાથે જોડાયેલી દરેક આર્થિક લાઇફલાઇનને ખતમ કરીને તેહરાનને અલગ પાડવાનો પ્રયાસ કરવામાં આવી રહ્યો છે.
સ્કોટ બેસેન્ટે સ્પષ્ટ ચેતવણી આપી છે કે જો કોઈ સંસ્થા ઈરાન માટે મની લોન્ડરિંગમાં મદદ કરશે તો તેની સામે કડક કાર્યવાહી કરવામાં આવશે. આવી સંસ્થાને અમેરિકી ડોલર સિસ્ટમથી બહાર કરી શકાય છે. અમેરિકાનો આ નિર્ણય ઈરાન સાથે નાણાકીય વ્યવહાર કરતી કંપનીઓ માટે મોટી ચિંતા બની શકે છે. ખાસ કરીને એવી સંસ્થાઓ પર દબાણ વધશે જે ઈરાનને નાણાકીય મદદ પહોંચાડવામાં અથવા પ્રતિબંધોથી બચાવવામાં મદદ કરે છે.
આ જાહેરાત સાથે જ અમેરિકી ટ્રેઝરી વિભાગે ઈરાન સાથે જોડાયેલી લગભગ 60 સંસ્થાઓ, વ્યક્તિઓ અને જહાજો સામે નવા પ્રતિબંધો જાહેર કર્યા છે. આ તમામ પર ઈરાનના તેલ, પરમાણુ, મિસાઇલ અને સાયબર નેટવર્ક સાથે જોડાયેલા હોવાના આરોપ છે. બેસેન્ટે કહ્યું કે ટ્રેઝરી વિભાગે એવા નેટવર્કની ઓળખ કરી છે જેનો ઉપયોગ ઈરાન તેલની હેરફેર, ફંડ સુધી પહોંચ અને પ્રતિબંધોથી બચવા માટે કરે છે. અમેરિકાએ હવે આ નેટવર્ક સાથે જોડાયેલા દરેક મદદગાર અને નોડ સામે કાર્યવાહી કરવાની તૈયારી કરી છે.
બેસેન્ટના જણાવ્યા અનુસાર અમેરિકાના ‘ઓપરેશન ઇકોનોમિક આઉટકાસ્ટ’ પ્લાન હેઠળ ઈરાનની તેલ તસ્કરી અને પ્રતિબંધોથી બચવાના રસ્તાઓ સાથે જોડાયેલા નોડ, મદદગાર અને નેટવર્કની ઓળખ કરવામાં આવી છે. હવે દુનિયાભરની સરકારોને અમેરિકાએ ઓળખેલી પ્રવૃત્તિઓ સામે કાર્યવાહી કરવા માટે કહેવામાં આવી રહ્યું છે. દરેક દેશને આ પ્રવૃત્તિઓ બંધ કરવા માટે એક નિર્ધારિત સમયમર્યાદા આપવામાં આવી છે. જોકે બેસેન્ટે આ સમયમર્યાદા ક્યારે પૂરી થશે તેની ચોક્કસ તારીખ જાહેર કરી નથી.
અમેરિકાની ચેતવણી વચ્ચે ઈરાનના સંસદ સ્પીકર મોહમ્મદ બાકર ગાલિબાફે વોશિંગ્ટનની ધમકીઓને ફગાવી દીધી છે. તેમણે અમેરિકાની ચેતવણીઓને માત્ર ‘મોટી મોટી વાતો’ ગણાવી છે. ગાલિબાફે કહ્યું કે ઈરાન સાથે વેપાર કરતા તેના સહયોગી દેશો અમેરિકાના પ્રતિબંધોનું પાલન નહીં કરે. આ નિવેદનથી ઈરાન અને અમેરિકા વચ્ચે આર્થિક તથા રાજદ્વારી તણાવ હજુ વધવાની શક્યતા છે.
Sorry, there was a YouTube error.
Follow Us
