બૂથ સુધી પહોંચ્યું જિલ્લા સંગઠન, કાર્યકર્તાના આંગણે પહોંચ્યા જિલ્લા પ્રમુખશ્રી ચંદુભાઈ મકવાણા
બૂથ સુધી પહોંચ્યું જિલ્લા સંગઠન, કાર્યકર્તાના આંગણે પહોંચ્યા જિલ્લા પ્રમુખશ્રી ચંદુભાઈ મકવાણા
ભારતીય જનતા પાર્ટી જૂનાગઢ જિલ્લા પ્રમુખશ્રી ચંદુભાઈ મકવાણા દ્વારા સમગ્ર જૂનાગઢ જિલ્લામાં સંગઠનને વધુ મજબૂત બનાવવા માટે વિવિધ જિલ્લા પંચાયત સીટો તથા નગરપાલિકા વિસ્તારોમાં બૂથ પ્રવાસ અભિયાન હાથ ધરવામાં આવ્યું છે. આ અભિયાન અંતર્ગત વડાલ તથા ભેસાણ જિલ્લા પંચાયત સીટના 50થી વધુ બુથનો પ્રવાસ પૂર્ણ કરવામાં આવ્યો છે.બૂથ પ્રવાસ દરમિયાન જિલ્લા પ્રમુખશ્રી ચંદુભાઈ મકવાણાએ બૂથ પ્રમુખશ્રીઓ, સંગઠનના હોદ્દેદારો, કર્મઠ આગેવાનો, ચૂંટાયેલા પ્રતિનિધિઓ તથા પાયાના કાર્યકર્તાઓ સાથે રૂબરૂ મુલાકાત કરી સંગઠનાત્મક કામગીરી અંગે સંવાદ અને માર્ગદર્શન મેળવ્યું હતું.આ ઉપરાંત જે તે ગામોમાં વિવિધ સેવાકીય પ્રવૃત્તિઓ સાથે સંકળાયેલા વિશિષ્ટ વ્યક્તિઓ, સામાજિક આગેવાનો તથા યુવાનો-યુવતીઓ સાથે પણ મુલાકાત કરી તેમના વિચારો અને સૂચનો જાણવામાં આવ્યા હતા. સરકારશ્રીની વિવિધ જનકલ્યાણકારી યોજનાઓના લાભાર્થીઓ, સરકારી શાળાઓ તથા સરકાર દ્વારા હાથ ધરાયેલા વિવિધ વિકાસ કાર્યોની પણ મુલાકાત લઈ સ્થાનિક પરિસ્થિતિનો રૂબરૂ અભ્યાસ કરવામાં આવ્યો હતો.
કાર્યકર્તાના ઘરે પહોંચતા જિલ્લા પ્રમુખ — સંગઠનના ઇતિહાસમાં અનોખી પહેલ
આ બૂથ પ્રવાસની વિશેષતા એ છે કે જિલ્લા ભાજપ પ્રમુખશ્રી ચંદુભાઈ મકવાણા પાર્ટીના પાયાના કાર્યકર્તાઓ સુધી માત્ર કાર્યાલય પૂરતા નહીં, પરંતુ તેમના ગામ અને તેમના ઘર સુધી રૂબરૂ પહોંચી રહ્યા છે. કાર્યકર્તાના ઘરે જઈને તેમની સાથે પરિવારભાવથી મુલાકાત કરી સંગઠન અને સ્થાનિક પ્રશ્નો અંગે સંવાદ કરવાની આ પહેલ કાર્યકર્તાઓમાં વિશેષ આત્મીયતા અને ઉત્સાહનું વાતાવરણ ઊભું કરી રહી છે.સમગ્ર જૂનાગઢ જિલ્લામાં સંગઠનના પાયાને વધુ મજબૂત બનાવવા માટે આ પ્રકારનો વ્યાપક અને સીધો બૂથ સંપર્ક અભિયાન એક નવી કાર્યશૈલી તરીકે ઉભરી રહ્યો છે.
યુવા શક્તિને સંગઠન સાથે જોડવાનો પ્રયાસ
બૂથ પ્રવાસ દરમિયાન ખાસ કરીને બૂથ વિસ્તારમાં રહેતા યુવાનો અને યુવતીઓ સાથે સંવાદ કરી તેમને ભારતીય જનતા પાર્ટીની વિચારધારા, રાષ્ટ્રનિર્માણ અને સંગઠનાત્મક પ્રવૃત્તિઓ સાથે જોડવાનો પ્રયાસ કરવામાં આવી રહ્યો છે. યુવા શક્તિને સંગઠનની મુખ્યધારામાં જોડીને ભવિષ્યના મજબૂત સંગઠનના નિર્માણ તરફ મહત્વપૂર્ણ પગલું ભરવામાં આવી રહ્યું છે.
સંવાદથી સંકલન, સંકલનથી સંગઠન વધુ મજબૂત
બૂથ પ્રવાસ દરમિયાન કાર્યકર્તાઓ સાથે થતો સીધો સંવાદ સ્થાનિક સ્તરની કામગીરીને સમજવામાં મદદરૂપ બની રહ્યો છે. કાર્યકર્તાઓના સૂચનો, સ્થાનિક પ્રશ્નો તથા સંગઠનને લગતી બાબતોને રૂબરૂ જાણીને સંવાદ, સંકલન અને સહકારની ભાવનાને વધુ મજબૂત બનાવવામાં આવી રહી છે.વડાલ અને ભેસાણ જિલ્લા પંચાયત સીટના 50થી વધુ બુથોના પ્રવાસ દરમિયાન કાર્યકર્તાઓમાં જોવા મળેલો ઉત્સાહ અને ઉમંગ એ ભારતીય જનતા પાર્ટીના સંગઠન પ્રત્યેની તેમની નિષ્ઠા અને પ્રતિબદ્ધતાનું પ્રતિબિંબ છે. “મજબૂત બૂથ — મજબૂત કાર્યકર્તા — મજબૂત સંગઠન”*ના સંકલ્પ સાથે જૂનાગઢ જિલ્લા ભાજપનું આ બૂથ પ્રવાસ અભિયાન આગામી સમયમાં પણ સમગ્ર જિલ્લામાં સતત આગળ વધારવામાં આવશે.
રિપોર્ટર : અનિરૂધસિંહ બાબરીયા – કેશોદ
