ગીર ગઢડા સબ ડિસ્ટ્રિક્ટ હોસ્પિટલ ના સ્ટાફ ની સરાહનીય કામગીરી લાભાર્થીની નું આયુષ્માન કાર્ડ તાત્કાલિક કાઢી આપી માનવતા મહેકાવી
વાત્સલ્યમ્ સમાચાર
વિશાલ ચૌહાણ ગીર ગઢડા
ગીર ગઢડા સબ ડિસ્ટ્રિક્ટ હોસ્પિટલ ના સ્ટાફ ની સરાહનીય કામગીરી લાભાર્થીની નું આયુષ્માન કાર્ડ તાત્કાલિક કાઢી આપી માનવતા મહેકાવી
૧૪/૦૮/૨૦૨૫ના રોજ ગીરગઢડા તાલુકાના એભલવડ ગામના કાળુભાઈ બચુભાઈ બારૈયા, આ કાળુભાઈ બારૈયાના બહેન સાકરુબેન જેની ઉ.વ.૪૧ છે. આ સાકરુબેન પાડોશમાં બેસવા જતા હતા ત્યારે ઓચિંતાના તેમને ચક્કર આવી જતા રસ્તામાં પડી ગયા હતા અને તેઓને પગમાં ગંભીર ઈજા થતા સારવાર માટે પ્રાઈવેટ હોસ્પિટલમાં સારવાર માટે ગયા હતા ત્યાં તેઓને ઓપરેશન કરવા જણાવેલ હતું.
પરંતુ તેમની આર્થિક પરિસ્થિતી ખરાબ હોવાથી ઓપરેશનના ખર્ચને પહોંચી વળવા અસમર્થ હતા. કાળુભાઈ સબ ડીસ્ટ્રીક્ટ હોસ્પિટલ ગીરગઢડા ખાતે આવતા તેમને હોસ્પિટલમાં ફરજ બજાવતા સ્ટાફ દ્વારા આયુષ્માન કાર્ડની યોજના અંગે માર્ગદર્શન આપતા તેઓ તાત્કાલીક ગામડેથી દર્દીને લઈ અને આવેલ અને ઈમરજન્સીમાં તેઓને કાર્ડ કાઢી આપતા તેઓના ચેહરા પર ખુશી છલકાય ગઈ હતી. અને સાકરુબેન ને સત્વરે ઓપરેશન થાય તેવુ એક માનવતા ભર્યું કાર્ય સબ ડીસ્ટ્રીક્ટ હોસ્પિટલ ગીરગઢડાના સ્ટાફ દ્વારા કરવામાં આવ્યું.
