નર્મદા જિલ્લાની બે તાલુકા પંચાયતની ખાલી પડેલી બે બેઠકોની પેટાચૂંટણીની મતગણતરી પ્રક્રિયા શાંતિપૂર્ણ માહોલમાં સંપન્ન
૨૨-ઝાંક તાલુકા પંચાયત મતદાર મંડળ માટે તાલુકા સેવા સદન-દેડીયાપાડા અને ૨-ભાદોડ તાલુકા પંચાયત મતદાર મંડળની તાલુકા પંચાયત કચેરી-સાગબારા ખાતે મતગણતરી પ્રક્રિયા હાથ ધરાઈ હતી,
નર્મદા જિલ્લાની બે તાલુકા પંચાયતની ખાલી પડેલી બે બેઠકોની પેટાચૂંટણીની મતગણતરી પ્રક્રિયા શાંતિપૂર્ણ માહોલમાં સંપન્ન
વાત્સલ્યમ્ સમાચાર
જેસિંગ વસાવા : ડેડીયાપાડા
૨૨-ઝાંક તાલુકા પંચાયત મતદાર મંડળ માટે તાલુકા સેવા સદન-દેડીયાપાડા અને ૨-ભાદોડ તાલુકા પંચાયત મતદાર મંડળની તાલુકા પંચાયત કચેરી-સાગબારા ખાતે મતગણતરી પ્રક્રિયા હાથ ધરાઈ હતી,
રાજય ચૂંટણી આયોગ દ્વારા જાહેર કરાયેલી મહાનગરપાલિકા, નગરપાલિકાઓ, તાલુકા પંચાયતોની સામાન્ય ચૂંટણી તથા મધ્ય સત્ર ચૂંટણીના જાહેર થયેલા કાર્યક્રમ અંતર્ગત નર્મદા જિલ્લાની (૧) ૨૨-ઝાંક તાલુકા પંચાયત મતદાર મંડળ તથા (૨) ૨-ભાદોડ તાલુકા પંચાયત મતદાર મંડળની પેટા ચૂંટણી માટે તા. ૧૬/૦૨/૨૦૨૫ને રવિવારના રોજ મતદારો દ્વારા મતદાન યોજાયું હતું. જેની તા.૧૮/૦૨/૨૦૨૫ને મંગળવારના રોજ સાગબારા તાલુકા પંચાયત ખાતે અને દેડિયાપાડા સેવાસદન ખાતે પણ સવારે ૯.૦૦ કલાકે ચૂંટણી અધિકારી તથા ઉમેદવારો અને તેના પ્રતિનિધિઓની હાજરીમાં મતગણતરી હાથ ધરવામાં આવી હતી.
દેડિયાપાડા તાલુકા મતદાર વિભાગની ૨૨-ઝાંક(અ.આ.જા.) તાલુકા પંચાયતની પેટા ચૂંટણીમાં કુલ ચાર હરિફ ઉમેદવારોએ પોતાની ઉમેદવારી નોંધાવી હતી. જેમાં કુલ ૪૭૩૨ મતદારોએ પોતાના મતાધિકારનો ઉપયોગ કર્યો હતો. જે પૈકી ગંભીરભાઈ જાતરીયાભાઈ વસાવાને ૪૧૩ મત, રાહુલભાઈ મથુરભાઈ વસાવાને ૨૬૩૮ મત, સુરેશભાઈ ખાનસિંગભાઈ વસાવાને ૧૪૭૯ મત અને રાજેન્દ્રભાઈ ઠાકોરભાઈ વસાવાને ૧૧૯ મત મળ્યા હતા, જ્યારે નોટામાં ૮૩ મત પડ્યા હતા. તેવીજ રીતે સાગબારા તાલુકા મતદાર વિભાગની ૨-ભાદોડ તાલુકા પંચાયતની પેટા ચૂંટણીમાં કુલ ત્રણ હરિફ ઉમેદવારો નોંધાયા હતા. જ્યારે કુલ ૪૩૩૮ મતદારોએ પોતાના મતાધિકારનો ઉપયોગ કર્યો હતો. જે પૈકી સરજનાબેન અશ્વિનભાઈ વસાવાને ૨૧૧૦ મત, સરલાબેન અર્જુનભાઈ વસાવાને ૪૯૧ મત, સંધ્યાબેન પ્રવિણકુમાર વસાવાને ૧૬૮૮ મત મળ્યા હતા અને નોટામાં ૪૯ મત પડ્યા હતા. બંને તાલુકા મથકોએ ચુસ્ત પોલીસ સુરક્ષા વ્યવસ્થા વચ્ચે યોજાયેલી આ મતગણતરી પ્રક્રિયા શાંતિપૂર્ણ માહોલમાં સંપન્ન થઈ હતી.
