સુરેન્દ્રનગરના લિંબડી ખાતે જિલ્લાકક્ષાના પ્રજાસત્તાક પર્વની ઉજવણીની તમામ તૈયારીઓને આખરી ઓપ અપાયો.

તા.25/01/2024/બાવળિયા ઉમેશભાઈ સુરેન્દ્રનગર

જિલ્લા વિકાસ અધિકારી પી એન મકવાણા અને અધિક નિવાસી કલેકટર આર કે ઓઝાની ઉપસ્થિતિમાં સમગ્ર કાર્યક્રમનું રિહર્સલ યોજાયું.

સુરેન્દ્રનગર જિલ્લા કક્ષાના 75 મા પ્રજાસત્તાક પર્વની ઉજવણી સામાજિક ન્યાય અને અધિકારીતા, મહિલા અને બાળ કલ્યાણ મંત્રી ભાનુબેન બાબરીયાના અધ્યક્ષ સ્થાને લિંબડી ખાતે સવારે 09 કલાકે યોજાનાર છે જે અંતર્ગત આજરોજ જિલ્લા વિકાસ અધિકારી પી એન મકવાણા અને અધિક નિવાસી કલેકટર આર કે ઓઝાની ઉપસ્થિતિમાં હેલીપેડ ગ્રાઉન્ડ, તાલુકા સેવાસદનની બાજુમાં લીંબડી ખાતે સમગ્ર કાર્યક્રમનું રિહર્સલ યોજાયું હતું જેમાં જિલ્લા વહીવટી તંત્રના વરિષ્ઠ અધિકારીઓ અને પોલીસ દળના જવાનો ઉપસ્થિત રહ્યાં હતાં આ રિહર્સલમાં સ્ટેજ બેઠક વ્યવસ્થા, પીવાના પાણીની વ્યવસ્થા, સાંસ્કૃતિક કાર્યક્રમની પ્રસ્તુતિ, સાઉન્ડ, ટેબ્લોનું નિર્દેશન સહિતની વ્યવસ્થાઓનું જિલ્લા વિકાસ અધિકારી પી એન મકવાણા અને અધિક નિવાસી કલેકટર આર કે ઓઝાએ ઝીણવટપૂર્વક નિરીક્ષણ કર્યું હતું તેમજ સ્થળ પર જ સંલગ્ન અધિકારીઓને જરૂરી માર્ગદર્શન આપી વિવિધ સૂચનો કર્યા હતા આ રિહર્સલમાં લીંબડી પ્રાંત અધિકારી કુલદીપ દેસાઈ સહિત વિવિધ વિભાગોના અધિકારીઓ ઉપસ્થિત રહ્યા હતા.