Rajkot: મોટરકાર વાહનો માટે GJ-03-PM અને અગાઉની સીરીઝના ગોલ્ડન-સિલ્વર નંબરોના ઇ-ઓકશન ૨૭ ઓક્ટોબરથી શરુ થશે
તા.18/10/2025
વાત્સલયમ્ સમાચાર
Rajkot: રાજકોટ પ્રાદેશિક વાહન વ્યવહારની કચેરી દ્વારા મોટરકાર પ્રકારના વાહનો માટે GJ-03-PM સીરીઝ તથા અગાઉની સીરીઝના બાકી રહેતા ગોલ્ડન અને સિલ્વર નંબરોના ઇ-ઓકશન તા. ૨૭ ઓક્ટોબર, ૨૦૨૫થી શરુ કરવામાં આવશે. પસંદગીના નંબર મેળવવા ઇચ્છુકે ઓનલાઈન http://parivahan.gov.in/fancy પર ક્લિક કરી રજિસ્ટ્રેશન કરાવવાનું રહેશે.
ઇ-ઓક્શનમાં ગોલ્ડન-સિલ્વર નંબરો મેળવવા માટે તા. ૨૭ ઓક્ટોબરના રોજ સાંજે ૪ કલાકથી તા. ૦૪ નવેમ્બરના રોજ સાંજે ૪ કલાક સુધી ઓનલાઈન એપ્લીકેશન કરવાની રહેશે. તેમજ તા. ૦૪ નવેમ્બરના રોજ સાંજે ૦૪:૦૧ કલાકથી તા. ૦૬ નવેમ્બરના રોજ સાંજે ૪ કલાક સુધી ઓનલાઈન ઓકશનમાં બિડિંગ પ્રક્રિયા પૂર્ણ થયા બાદ તા. ૦૬ નવેમ્બર, ૨૦૨૫ના રોજ સાંજે ૪.૧૫ કલાકના રોજ પરિણામ ઓનલાઇન જાહેર થશે.
ઉલ્લેખનીય છે કે ઉમેદવારે રજીસ્ટ્રેશન કરાવવા સૌ પ્રથમ parivahan.gov.in પર જઈને ઓનલાઇન સર્વિસ પર કિલક કરવું, ત્યારબાદ fancy number booking પર ક્લિક કરીને પબ્લિક યુઝર પસંદ કરીને આઈ.ડી. બનાવવું. ત્યારબાદ સી.એન.એ. ફોર્મ ઓનલાઇન ભરવું અને પસંદગીના નંબરમાં દર્શાવેલી ઓછામાં ઓછી ફી ભરવી. ત્યારબાદ હરાજીમાં ભાગ લઈને નંબર મેળવ્યા બાદ ૫ દિવસમાં હરાજીની બાકીની રકમ ભરવી. જેના બાદ આર.ટી.ઓ.ની અપ્રૂઅલ લઈ નંબર મેળવવો. અરજદારે વાહન ખરીદીના સાત દિવસમાં સી.એન.એ. ફોર્મ ભરવું ફરજીયાત છે. સમય મર્યાદા બહારની અરજી માન્ય ગણવામાં આવશે નહીં.
વાહનનું રજીસ્ટ્રેશન કરાયેલું હોવું જરૂરી છે. વાહન ખરીદીના સાત દિવસમાં અરજદારે સી.એન.એ. ફોર્મ ઓનલાઈન ભરેલું હોવું ફરજીયાત છે. સમયમર્યાદા બહારની અરજી માન્ય ગણવામાં આવશે નહીં, તેમ પ્રાદેશિક વાહન વ્યવહાર અધિકારીશ્રી, રાજકોટની યાદીમાં જણાવાયું છે.
