પ્રેમ સંબંધ તૂટવા કે બ્રેક-અપ એ દુષ્કર્મનો કેસ દાખલ કરવાનું કારણ ન હોવું જોઈએ: સુપ્રીમ કોર્ટ

આ કેસમાં પીડિતા તરફથી વરિષ્ઠ વકીલ માધવી દિવાન હાજર થયા હતા. કોર્ટે કહ્યું કે મહિલાએ આવા વરિષ્ઠ વકીલની નિમણૂક કરી છે તે હકીકત પોતે જ સાબિત કરે છે કે તેણીને ભોળી કહી શકાય નહીં. કોર્ટે કહ્યું કે તમે પુખ્ત છો. જેથી એવું ન કહી શકાય કે તમને છેતરીને એવો વિશ્વાસ અપાવવામાં આવ્યો હતો કે તે તમારી સાથે લગ્ન કરશે.

કોર્ટે કહ્યું કે આવા કિસ્સાઓ ઘણીવાર સમાજની રૂઢિચુસ્ત માનસિકતાનું પરિણામ હોય છે, કારણ કે હંમેશા પુરુષને જ દોષી ઠેરવવામાં આવે છે. આપણે આને ફક્ત એક જ દ્રષ્ટિકોણથી ન જોઈ શકીએ. આપણે કોઈ એક લિંગ પ્રત્યે પક્ષપાત ન કરવો જોઈએ. અમારા ઘરે પણ એક દીકરી છે અને જો તે પણ આવી જ પરિસ્થિતિમાં હોત, તો તેને વ્યાપક દ્રષ્ટિકોણથી જોવું પડે.