તા. ૩૦.૧૦.૨૦૨૪
વાત્સલ્યમ્ સમાચાર
અજય સાંસી દાહોદ
Limkheda:દેવગઢ બારીયા તાલુકાના એક ગામમાંથી પીડિત મહિલાને ૧૮૧ અભયમ લીમખેડા ટીમ મદદે 
દેવગઢ બારીયા તાલુકાના એક ગામમાંથી પીડિત મહિલાએ ૧૮૧ પર ફોન કરીને જણાવેલ કે તેઓને કાકાસસરા અને તેઓના તમામ પરિવાર દ્વારા અવાર નવાર શારીરિક માનસિક હેરાનગતિ કરવામાં આવે છે તેમ જણાવતાં ૧૮૧ અભયમ ટીમ લીમખેડા તાત્કાલિક ઘટના સ્થળ પર પહોંચી ગયેલ અને વાતચીત કરતા પીડિતાએ જણાવેલ કે તેમને કાકાસસરા અને તેઓનું તમામ પરિવાર મિલકત પડાવી લેવા અવાર નવાર શારીરિક માનસિક હેરાનગતિ કરી મારી નાખવાની ધમકીઓ આપે છે અને પીડિતાને ડાકણ કહી બદનામ પણ કરેલ છે તેમજ આજરોજ મારવાનો પ્રયત્ન કરેલ તેમ જણાવેલ પરંતુ 181 ટીમ ઘરે પહોંચીને પૂછતા તેઓ સામાવાળા સામાજિક પ્રસંગોમાં ગયેલ છે તેમ જણાવેલ જેથી ૧૮૧ ટીમ દ્વારા પીડિતાને લીગલ કાર્યવાહી માટે પોલિસ સ્ટેશન વિશે માહિતી આપતા તેઓ પણ આગળ કાર્યવાહી કરવા માગતા હોય જેથી પીડિતાને સંપૂર્ણ ન્યાય મળી રહે માટે પીપલોદ પોલિસ સ્ટેશન અરજી અપાવેલ છે.
