અરવલ્લી
અહેવાલ : હિતેન્દ્ર પટેલ
મેઘરજ ના ઉકરડી ગામે કોંગ્રેસ દ્વારા જન આક્રોશ યાત્રા સાથે સભાનું આયોજન કરવામાં આવ્યું – મોટી સંખ્યામાં લોકો ઉપસ્થિત રહ્યા
મેઘરજ ના ઉકરડી ગામે કોંગ્રેસ દ્વારા જન આક્રોશ સભાનું આયોજન કરવામાં આવ્યું હતું. રાજ્યના વિવિધ પ્રશ્નોને લઈને કોંગ્રેસના ટોચના નેતાઓએ સરકાર અને પોલીસ તંત્ર પર સીધા નિશાના સાધ્યા.સભા દરમિયાન વિપક્ષ ના નેતા તુષાર ચૌધરીએ જિગ્નેશ મેવાણીના તાજેતરના નિવેદનોને આધાર આપતાં જણાવ્યું કે “ગુજરાતમાં દારૂ અને ડ્રગ્સના વધતા વેપારને પોલીસ તંત્ર દ્વારા જ પ્રોત્સાહન મળે છે”. તેમણે સરકારને રાજ્યમાંથી નશાખોરી અને દારૂના ગેરકાયદેસર વેપારને પૂર્ણપણે નાબૂદ કરવાનો કડક નિર્ણય લેવા આગ્રહ કર્યો.આ દરમિયાન જિગ્નેશ મેવાણીના જે નિવેદન સામે આવ્યા જેમાં પોલીસ તંત્રના કેટલાક કર્મચારી ગેરકાયદેસર પ્રવૃત્તિઓમાંથી “કાળી કમાણી” કરી રહ્યાં હોવાનો આક્ષેપ કરતાં તેમણે સરકાર પર નિશાનો સાધ્યો. નશાના ધંધાથી યુવાનોનું ભવિષ્ય બરબાદ થઈ રહ્યું છે, છતાં તંત્ર કાર્યવાહી કરવા નિષ્ફળ રહ્યું છે.સભામાં અમિત ચાવડા, તુષાર ચૌધરી સહિત અનેક કોંગ્રેસ નેતાઓ હાજર રહ્યા હતા. મોટી સંખ્યામાં લોકો ઉપસ્થિત રહી રાજ્યમાં વધતી સમસ્યાઓ અંગે નેતાઓની રજૂઆત સાંભળી હતી.
