નેત્રંગ નગર સહિત પંથક ભરમા ભકિતમય માહોલમા મહાશિવરાત્રી પર્વ થયેલી ભવ્ય ઉજવણી.

બ્રિજેશકુમાર પટેલ, ભરૂચ

તા.૨૬/૦૨/૨૦૨૫

નેત્રંગ નગરમાં આજે વહેલી સવારથીજ નગરમાં ગાંધીબજાર બજાર ખાતે આવેલ અમરેશ્વર મહાદેવ મંદિરે, જીનબજાર ખાતે કંકેશ્વર મહાદેવ મંદિરે અને નેત્રંગ-રાજપારડી રોડ ઉપર આવેલ કુબેરેશ્વર મહાદેવ મંદિરે ભાવિકભકતજનો થકી હરહર મહાદેવ, જય ભોલેનાથના જયજયકાર સાથે પુજા અર્ચના તેમજ દર્શન માટે ભારે ભીડ ઉમટી પડી હતી. તમામ મંદિરોને ફલહાર તેમજ ભવ્ય રોશનીથી શણગાર કરવામા આવ્યો હતો. નગરના જીનબજાર ખાતે આવેલ કંકેશ્વર મહાદેવ મંદિરે મહાશિવરાત્રીના શુભ દિને બપોરના ૩ કલાકે મહાપૂજાનું આયોજન કરવામા આવેલ હતુ. તાલુકા ભરમા આંજોલી, જેસપોર, વિજયનગર, થવા, ચાસવડ તેમજ કડીયાડુંગર ખાતે આવેલ મહાદેવ મંદિરોમા પણ મહાશિવરાત્રી પર્વની ઓમહવન તેમજ ભજનકીર્તન સાથે ભવ્ય ઉજવણી થઈ હતી.

Sorry, there was a YouTube error.