પ્રથમ દિવસે ધોરણ-૧૦ ની ગુજરાતી વિષયની પરીક્ષામાં ૬૯૦૯ વિદ્યાર્થીઓ હાજર : ૨૫૧ની ગેરહાજરી
ધોરણ-૧૨ (HSC) સામાન્ય પ્રવાહમાં અર્થશાસ્ત્ર વિષયમાં ૨૯૭૫ વિધાર્થીઓ હાજર અને ૫૦ની ગેરહાજરી
વિજ્ઞાન પ્રવાહમાં ભૌતિક વિજ્ઞાનની પરીક્ષામાં ૯૪૨ વિધાર્થીઓની હાજરી અને ૨૨ની ગેરહાજરી
રાજપીપલા : જુનેદ ખત્રી
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા સમગ્રા રાજ્ય સહિત નર્મદા જિલ્લામાં આજથી ધોરણ-૧૦ (SSC) અને ધો.-૧૨ (HSC) ની જાહેર પરીક્ષાઓનો જિલ્લામાં શાતિપૂર્ણ માહોલમાં પ્રારંભ થયો છે. જિલ્લા શિક્ષણાધિકારીની કચેરીનાં પરીક્ષા કંટ્રોલ રૂમ તરફથી પ્રાપ્ત થયેલા અહેવાલો મુજબ આજે પ્રથમ દિવસે સવારે ધોરણ- ૧૦માં ગુજરાતી વિષયમાં નોંધાયેલા કુલ-૭૧૬૦ વિદ્યાર્થીઓ પૈકી ૬૯૦૯ વિદ્યાર્થીઓએ પરીક્ષા આપી હતી. ૨૫૧ વિદ્યાર્થીઓ તેમાં ગેરહાજર રહ્યાં હતાં.
આજે બપોરે લેવાયેલી ધોરણ- ૧૨ સામાન્ય પ્રવાહમાં અર્થશાસ્ત્ર વિષયની પરીક્ષામાં નોંધાયેલા કુલ ૩૦૨૫ વિદ્યાર્થીઓ પૈકી ૨૯૭૫ની હાજરી અને ૫૦ વિદ્યાર્થીઓની ગેરહાજરી નોંધાઇ હતી. જ્યારે ધોરણ- ૧૨ વિજ્ઞાન પ્રવાહમાં ભૌતિક વિજ્ઞાન વિષયની પરીક્ષામાં નોંધાયેલા કુલ-૯૬૪ વિદ્યાર્થીઓ પૈકી ૯૪૨ વિદ્યાર્થીઓએ આજે પરીક્ષા આપી હતી અને તેમાં ૨૨ વિદ્યાર્થીઓની ગેરહાજરી નોંધાઇ હતી.
જિલ્લા શિક્ષણાધિકારીશ્રીની કચેરીના પરીક્ષા કંટ્રોલકક્ષ તરફથી આજે સાંજે ૫:૩૦ કલાકે પ્રાપ્ત થયેલા અહેવાલ મુજબ જિલ્લામાં આજની આ જાહેર પરીક્ષાઓ દરમિયાન કોઇ ગેરરીતી કે અનિચ્છનીય ઘટના બનવા પામી નથી.
