જિલ્લા સ્વાગતની સુચના અનુસાર કાલોલની અંબાલાલ પાર્ક ૧ સોસાયટી દ્વારા કરેલ દિવાલ પાલીકા દ્વારા તોડી પાડી
તારીખ ૧૫/૦૭/૨૦૨૪
સાજીદ વાઘેલા કાલોલ
કાલોલ શહેર ની રે સ નં ૩૯૧ (નવો) ૧૧૦(૨) જુના મા બનાવેલ અંબાલાલ પાર્ક ૧ સોસાયટી ના રહીશોએ બીજી સોસાયટીમાં જવાના રસ્તા ઉપર ફેનસિંગ કરી દિવાલ બનાવી હતી જેની સામે મહેન્દ્રભાઈ શનાભાઈ પટેલ દ્વારા જીલ્લા સ્વાગત કાર્યક્રમ હેઠળ કલેક્ટર કચેરી ખાતે રજૂઆત કરવામાં આવી હતી જીલ્લા સ્વાગત કાર્યક્રમ મા ગત તા ૨૯/૦૬/૨૪ ના રોજ સોસાયટીના તમામ લોકો રસ્તાનો ઉપયોગ કરી શકે તે માટે આ દિવાલ દુર કરવા ની સુચના આપી હતી જે અન્વયે કાલોલ નગરપાલિકા ને લેખીત જાણ જીલ્લા કલેક્ટર કચેરી દ્વારા કરવામાં આવી હતી અને કાલોલ નગરપાલિકા ચીફ ઓફીસર દ્વારા સોસાયટીના રહીશો ને ગત ૦૯/૦૭ ના રોજ આ દિવાલ ત્રણ દિવસમાં દુર કરવા નોટીસ આપી હતી જેની સમય મર્યાદા પુરી થતા આજ રોજ સોમવારે કાલોલ નગરપાલિકા ચીફ ઓફિસર મીલાપભાઇ પટેલ અને સ્ટાફ તેમજ વિશાલ પટેલ નાયબ મામલતદાર મહેસૂલ તેમજ રાકેશકુમાર સુતરીયા સર્કલ મામલતદાર, કાલોલ પોલીસ સ્ટેશનના પીએસઆઇ એલએ પરમાર તથા ટાઉન પોલીસ જમાદાર ભાવેશભાઇ કટારીયા સહિત પોલીસ સ્ટાફ સાથે દિવાલ તોડવા આવી પહોંચ્યા હતા જ્યા સોસાયટીના રહીશો એ દીવાલ તોડવા સામે વિરોધ દર્શાવી પોતાને સાંભળ્યા વિના સ્વાગત કાર્યક્રમ મા હુકમ થયો છે તેમજ સોસાયટી ના રહીશોએ કાલોલ ની સીવીલ કોર્ટ મા દિવાલ તોડવા સામે આજે જ દાવો દાખલ કરેલ છે. જેની નોટીસ પણ આજે દિવાલ તોડવાના સમયે બજેલ છે પરંતુ સિવિલ કોર્ટે કોઇ મનાઈ હુકમ આપ્યો નહી હોવાથી જીલ્લા સ્વાગત ના હુકમ સૂચના મુજબ દિવાલ જેસીબી મશીન થી તોડી પાડવામાં આવી હતી.
