દેશભરમાંથી ૧૭ માસૂમ યુવાન વિદ્યાર્થીઓએ માનસિક તણાવમાં આવીને પોતાના અમૂલ્ય જીવ ગુમાવ્યા !!!

મે ૨૦૨૬ નો આ મહિનો ભારતીય શૈક્ષણિક ઇતિહાસમાં કાળા અક્ષરે લખાશે. દેશની સૌથી મોટી તબીબી પ્રવેશ પરીક્ષા NEET-UG 2026 માં થયેલા ભ્રષ્ટાચાર અને પેપર લીક માફિયાઓના કારસાના કારણે ૨૪ લાખથી વધુ વિદ્યાર્થીઓનું ભવિષ્ય અંધકારમાં ધકેલાઈ ગયું છે. વર્ષો સુધી દિવસ-રાત એક કરીને, પોતાના પરિવારની જમીન-જાયદાદ ગીરો મૂકીને ડૉક્ટર બનવાનું સપનું જોનારા ૧૭ નવયુવાનોએ આ આઘાત સહન ન થતાં આત્મહત્યા કરી લીધી છે. આ માત્ર આત્મહત્યા નથી, પરંતુ દેશની કથળેલી અને ભ્રષ્ટ પરીક્ષા પ્રણાલી દ્વારા કરવામાં આવેલી સંસ્થાકીય હત્યા (Institutional Murder) હોવાનો આક્રોશ જનતામાં જોવા મળી રહ્યો છે.

દેશના શિક્ષણ હબ ગણાતા રાજસ્થાનના સીકરથી લઈને ઉત્તર પ્રદેશ, દિલ્હી અને ગોવા સુધી માસૂમ વિદ્યાર્થીઓના મોતના અહેવાલો સામે આવ્યા છે:

આવા જ કિસ્સાઓ દિલ્હી અને દેશના અન્ય ખૂણેથી સામે આવ્યા છે, જ્યાં વિદ્યાર્થીઓ પેપર લીકના આ દળદળથી કંટાળી ગયા હતા.

આટલી મોટી માનવ સર્જિત આપત્તિ અને ૧૭ વિદ્યાર્થીઓના નિકંદન પછી પણ કેન્દ્રીય શિક્ષણ મંત્રી ધર્મેન્દ્ર પ્રધાને નૈતિક જવાબદારી સ્વીકારીને રાજીનામું આપવાનો સાફ ઇનકાર કરી દીધો છે.

CBI તપાસમાં જે ચોંકાવનારા ખુલાસા થયા છે તે દર્શાવે છે કે આ કૌભાંડ કેટલું ઊંડું છે:

દેશના જાણીતા શિક્ષક ખાન સરે NTA પર આકરા પ્રહારો કરતા કહ્યું છે કે, “રૂપિયા ૧૦ ના બાળકના ડાયપરમાંથી લીકેજ થતું નથી, પરંતુ દેશની આટલી મોટી સરકારી એજન્સીના પેપર દર વખતે લીક થઈ જાય છે.” તેમણે દુઃખ વ્યક્ત કર્યું કે પેપર લીકની માહિતી સરકારી એજન્સીઓ નહિ પરંતુ લાચાર વિદ્યાર્થીઓ પુરાવા સાથે સરકારને આપી રહ્યા છે.

સરકારે વિરોધને શાંત કરવા માટે ૨૧ જૂન, ૨૦૨૬ ના રોજ NEET ની પુનઃપરીક્ષા યોજવાની જાહેરાત કરી દીધી છે. પરંતુ સવાલ એ ઊભો થાય છે કે:
૧. જે વિદ્યાર્થીઓ માનસિક રીતે ભાંગી પડ્યા છે, તેઓ ૧ મહિનામાં ફરી કેવી રીતે તૈયારી કરશે?
૨. આગામી પરીક્ષા સંપૂર્ણ પારદર્શક રહેશે તેની ગેરંટી શું?
૩. જે ૧૭ પરિવારોએ પોતાના દીકરા-દીકરીઓ ગુમાવ્યા, તેમને ન્યાય કોણ આપશે?

કોઈપણ દેશ માટે તેના યુવાનો તેનું ભવિષ્ય હોય છે. જ્યારે ભવિષ્ય જ આત્મહત્યાના પંથે ધકેલાય, ત્યારે સમજવું કે આખી સિસ્ટમ સડી ચૂકી છે. માત્ર CBI તપાસ કે જુનિયર ગુનેગારોની ધરપકડથી આ સમસ્યાનો અંત નહીં આવે. NTA ના માળખામાં આમૂલ પરિવર્તન, પેપર લીક વિરોધી કડક કાયદાનો અમલ અને સત્તા પર બેઠેલા ઉચ્ચ અધિકારીઓ તેમજ મંત્રીઓની જવાબદારી નક્કી થવી જ જોઈએ. જો શિક્ષણ મંત્રી આ નૈતિક જવાબદારી સ્વીકારવામાં નિષ્ફળ રહેશે, તો દેશના કરોડો વિદ્યાર્થીઓનો સરકારી તંત્ર પરથી વિશ્વાસ કાયમ માટે ઉઠી જશે.