અહેવાલ
અરવલ્લી :હિતેન્દ્ર પટેલ
EXCLUSIVE : અરવલ્લી જીલ્લા કલેક્ટર પ્રશસ્તિ પારીકનું સાયબર ગઠિયાઓએ WhatsApp ફેક એકાઉન્ટ બનાવ્યું..!!
વિશ્વમાં સાયબર ક્રાઈમના ગુન્હાઓમાં સતત વધારો થઈ રહ્યો છે થોડા સમય અગાઉ વિશ્વની નામાકિંત હસ્તીઓના ટ્વીટર એકાઉન્ટ હેક થવાની ઘટના બની હતી રાજ્યમાં સાયબર ક્રાઈમ અટકાવવા સાયબર પોલીસ મથક ઉભા કરવામાં આવ્યા છે તેમ છતાં સાયબર ક્રાઇમની ઘટનાઓમાં સતત વધારો થઈ રહ્યો છે ભેજાબાજ સાયબર ગઠિયાઓ હવે IPS અને IASના નામનો ઉપયોગ કરી સોશ્યલ મીડિયામાં ફેક એકાઉન્ટ બનાવી પૈસાની માગણી કરવામાં આવી રહી છે ત્યારે અરાવલી જીલ્લા સમાહર્તા પ્રશસ્તિ પારીકનું કોઇ સાયબર ગઠિયાએ WhatsApp ફેક એકાઉન્ટ બનાવ્યુ હોવાનુ તેમના ધ્યાને આવતા ચોંકી ઉઠ્યા હતા અને ફેક એકાઉન્ટના સ્ક્રીન શોર્ટ પાડી સ્ટેટસ પર મૂકી તેમના નામે બનેલ ફેક એકાઉન્ટને બ્લોક કરવા અને આવા એકાઉન્ટથી સતર્ક રહેવા આહવાન કર્યું હતું
પ્રાપ્ત માહિતી અનુસાર, અરવલ્લી જીલ્લા કલેક્ટર પ્રશસ્તિ પારીકનું નામથી સોશિયલ મીડિયા પર એટલે કે WhatsApp પર તેમના ફોટો સાથે ફેક એકાઉન્ટ બનાવવામાં આવ્યું છે. આ ફેક એકાઉન્ટના માધ્યમથી તેમના પરિચિત વ્યક્તિઓ અને અન્ય લોકોને મેસેજ કરવામાં આવી રહ્યા હોવાનું જીલ્લા કલેક્ટરને ધ્યાને આવતા તેમણે ફેક એકાઉન્ટના સ્ક્રીન શોર્ટ લઈને તેમના સરકારે આપેલ સાર્વજનિક મોબાઈલ નંબરના વોટ્સએપ સ્ટેટસ પર ફેક એકાઉન્ટથી આવતા મેસેજનો રિપ્લાય ન આપવા તાકીદ કરી હતી
