શ્રી રૂણી પ્રાથમિક શાળાના શિક્ષકે 15000 કિંમતના પુસ્તકો શાળાને ભેટ આપવામાં આવ્યા.
જો બાળકો પુસ્તકોનો પ્રેમ વાંચન તરફ લઈ જશે અને તેમના જ્ઞાન વધારો કરશે. તેમજ તેમના વિચારશક્તિ અને સર્જનશક્તિ દ્વારા તે નવીન સાહસ અને સર્જન કરી શકે છે.

બનાસકાંઠા જિલ્લાના ધાનેરા તાલુકામાં આવેલ શ્રી રૂણી પ્રાથમિક શાળાના ભાષા શિક્ષક દિનેશભાઈ ધનાભાઈ ચૌહાણ એ પોતાની શાળાના બાળકોને સાહિત્યમાં રસ, રૂચિ અને નવીન જાણકારી મેળવે. તેમજ અલગ સાહિત્ય પ્રકારોથી જાણકાર થાય અને પોતાના જીવનમાં કંઈક નવું સર્જન કરી શકે અને પોતાની કલ્પનાશક્તિ, વિચારશક્તિ અને સર્જનશક્તિમાં ઉમેરો થાય તેવા વિચારથી તેમને શાળાને કુલ 15000ની કિંમતના પુસ્તકો બાળકોના ઉપયોગમાં આવે એવા આશયથી ભેટ આપે છે. જેના થકી ભાષા શિક્ષક દિનેશભાઈ ડી. નું કહેવું છે કે તમારા વિચારો જ તમારી તાકાત છે. સાચું સર્જન બાળકોને પુસ્તક દ્વારા થતું હોય છે. જો બાળકો પુસ્તકોનો પ્રેમ વાંચન તરફ લઈ જશે અને તેમના જ્ઞાન વધારો કરશે. તેમજ તેમના વિચારશક્તિ અને સર્જનશક્તિ દ્વારા તે નવીન સાહસ અને સર્જન કરી શકે છે. તે માટે આ એક ઉમદા કાર્ય કરવાનો વિચાર આવેલ. આ કાર્યથી શાળાના આચાર્ય શ્રી ચેલાભાઈ પી. પટેલે પણ ખૂબ જ અસરકારક કાર્ય ગણાવ્યું. આનો લાભ તમામ બાળકોને મળશે. અને તેમના જીવનમાં નવીન કાર્ય કરવાની પ્રેરણા મળશે તેવી આશા રાખેલ છે. અને સમગ્ર શાળા પરિવારે પણ શુભેચ્છા પાઠવી હતી.




