*”કેર ફોર હ્યુમેનિટી ફાઉન્ડેશન દ્વારા વૃદ્ધાશ્રમના વડીલોને દૂધ વિતરણ કરી સ્મરણાંજલિ અપાઈ*”કેર ફોર હ્યુમેનિટી ફાઉન્ડેશન”* દ્વારા દર મહિને એક સેવાકીય કાર્ય કરવામાં આવે છે જેના અનુસંધાને ગત રવિવાર, તા. ૦૧-૦૨-૨૦૨૬ના રોજ એક પ્રેરણાદાયી કાર્યક્રમનું આયોજન કરવામાં આવ્યું હતું.
*”પવિત્ર સ્મૃતિમાં સેવાનો સંગમ”*
સ્વ. કાન્તાબહેન સૌભાગ્યચંદ ઠક્કરની પુણ્ય સ્મૃતિ નિમિત્તે, દાતા શ્રી સૌભાગ્યચંદ ભાઈચંદ ઠક્કરના સહયોગથી કે. પી. શાહ વૃદ્ધાશ્રમ ખાતે વસતા આશરે ૧૦૦ જેટલા વડીલોને કેસર, બદામ અને પિસ્તાયુક્ત પૌષ્ટિક દૂધનું વિતરણ કરવામાં આવ્યું હતું. વડીલોના ચહેરા પરની સ્મિત અને તેમના આશીર્વાદે વાતાવરણને અત્યંત લાગણીસભર બનાવી દીધું હતું.
*”ઉમદા સંચાલન અને ઉપસ્થિતિ”*
આ સમગ્ર માનવતાવાદી કાર્યક્રમનું સંચાલન ગ્રુપના પ્રમુખ C.A. ઋષભભાઈ ઠક્કર દ્વારા કરવામાં આવ્યું હતું. આ પ્રસંગે પરિવારના સભ્યો અને સંસ્થાના અગ્રણીઓ ઉત્સાહભેર જોડાયા હતા, જેમાં:
અતુલભાઈ ઠક્કર, કમલેશભાઈ ઠક્કર, હાર્દિકભાઈ ઠક્કર
શિલ્પાબહેન ઠક્કર, C.A. ખુશ્બુબહેન ઠક્કર
નાનકડી પરી હેતાંશી ઠક્કર (જેના નિખાલસ ભાવે સૌના દિલ જીતી લીધા હતા)
પારશભાઈ વોરા, શ્રી જાસ્મીનભાઈ મહેતા
નિલેશભાઈ પારેખ, મીતાબહેન પારેખ તથા વનરાજસિંહ ઝાલા
*”કેર ફોર હ્યુમેનિટી ફાઉન્ડેશન નો સંદેશ”*
*”વડીલોની સેવા એ જ ઈશ્વરની સાચી પૂજા છે. સંસ્થાનો ઉદ્દેશ્ય માત્ર મદદ કરવાનો જ નહીં, પણ સમાજમાં પ્રેમ અને હૂંફ ફેલાવવાનો છે.”*
