વાત્સલ્યમ્ સમાચાર.
રિપોર્ટ :- રમેશ મહેશ્વરી – મુન્દ્રા કચ્છ.
મુન્દ્રા,તા-૧૮ સપ્ટેમ્બર : અદાણી ફાઉન્ડેશન યુવા રોજગારીને પ્રાધાન્ય આપતા અનેક કાર્યક્રમોમાં પ્રવૃત્ત છે. તાજેતરમાં અદાણી સ્કિલ ડેવલપમેન્ટ સેન્ટર (ASDC) મુન્દ્રા દ્વારા નવી બેચના ઉદઘાટન સાથે તાલીમાર્થીઓને RTG ક્રેન ઓપરેટર પ્રમાણપત્રો વિતરીત કરવામાં આવ્યા હતા. ક્રેન ઓપરેટરની તાલીમ સફળતાપૂર્વક પૂર્ણ કરનારા યુવાઓ આત્મનિર્ભર બની સમાજમાં તેમની આગવી ઓળખ ઉભી કરશે.અદાણી સ્કીલ ડેવલપમેન્ટ સેન્ટરનું ધ્યેય યુવાધનને રોજગારલક્ષી પ્રશિક્ષણ આપી તેમની કૌશલ્ય ક્ષમતામાં વધારો કરવાનું છે. ધોરણ 10 બાદ ITI અથવા ધોરણ 12 ઉત્તીર્ણ કરનાર વિદ્યાર્થીઓ ASDCમાં સફળતાપૂર્વક તાલીમ લઈ રોજગાર સક્ષમ બની શકે છે. કચ્છ કોપર લિમિટેડ ધોરણ 12 પાસ ઉમેદવારોને પ્રશિક્ષિત કરવા માટે ભંડોળ ઉપલબ્ધ કરાવશે.ASDC દ્વારા છેલ્લા 2 વર્ષમાં RTG ક્રેન ઓપરેશન ટ્રેડમાં 120 ઉમેદવારોને સફળતાપૂર્વક તાલીમ આપવામાં આવી છે. જેમાંથી 80 ઉમેદવારો અદાણી પોર્ટ પર જ નોકરીઓ મેળવી આત્મનિર્ભર બન્યા છે. નવી બેચમાં 70% ઉમેદવારો કચ્છ જિલ્લાના અને અન્ય 30% વિવિધ સ્થળોએથી લેવામાં આવશે. સક્ષમના પ્રમાણપત્ર વિતરણ કાર્યક્રમમાં ઉપસ્થિત ખાસ મહેમાનોને પણ સન્માનિત કરવામાં આવ્યા હતા, જેમાં અદાણી કૌશલ્ય વિકાસ કેન્દ્રના ક્લસ્ટર હેડ, અદાણી પોર્ટ્સ અને સ્પેશિયલ ઇકોનોમિક ઝોન (APSEZ) અને થર્મેક્સ કંપનીના ઉચ્ચાધિકારીઓનો સમાવેશ થાય છે. મુખ્ય અતિથિ તરીકે APSEZ ના એચઆર હેડ સ્નેહાશીષ ભટ્ટાચાર્યએ અદાણી પોર્ટ ખાતે RTG ક્રેન ઓપરેટરની ભૂમિકા વિશે સંક્ષિપ્ત માહિતી આપી હતી. તેમણે તાલીમાર્થીઓને અદ્યતન ટેકનોલોજી સાથે અપડેટ રહેવાના અને સતત નવું શીખતા રહેવા માટે પ્રોત્સાહિત કર્યા હતા.રાષ્ટ્રનિર્માણમાં યોગદાનના ઉદ્દેશથી ભારતના યુવાધનને સક્ષમ બનાવવા અદાણી કૌશલ્ય વિકાસ કેન્દ્ર (ASDC) ની સ્થાપના 16 મે, 2016ના રોજ કરવામાં આવી હતી. ASDC વર્ટિકલ ભવિષ્ય માટે તૈયાર વ્યાવસાયિકોને અત્યાધુનિક ટેકનોલોજીનો ઉપયોગ કરી તાલીમ આપવાના મિશનને સતત આગળ ધપાવી રહ્યું છે.
