ચોટીલા પ્રાંત અધિકારી દ્વારા મુળીના દાણાવાડા PHCમાં આકસ્મિક તપાસ હાથ ધરાઇ
આરોગ્ય સેવાઓની ગુણવત્તા, દવાઓનો સ્ટોક અને સ્ટાફની હાજરીની સઘન સમીક્ષા
તા.29/11/2025/
બાવળિયા ઉમેશભાઈ સુરેન્દ્રનગર
આરોગ્ય સેવાઓની ગુણવત્તા, દવાઓનો સ્ટોક અને સ્ટાફની હાજરીની સઘન સમીક્ષા, સુરેન્દ્રનગર જિલ્લામાં ચોટીલા નાયબ કલેકટર એચ. ટી. મકવાણાએ મુળી તાલુકાના દાણાવાડા ગામમાં આવેલ પ્રાથમિક આરોગ્ય કેન્દ્રની આકસ્મિક તપાસણી હાથ ધરી હતી આ મુલાકાતનો મુખ્ય ઉદ્દેશ્ય ગ્રામ્ય કક્ષાએ અપાતી આરોગ્ય સેવાઓની ગુણવત્તા, દવાઓની ઉપલબ્ધતા અને સ્ટાફની નિયમિતતાની ચકાસણી કરવાનો હતો નાયબ કલેકટરે PHC ખાતે વિવિધ પાસાઓની વિગતવાર સમીક્ષા કરી હતી ખાસ કરીને આવશ્યક દવાઓનો સ્ટોક અને જીવનરક્ષક દવાઓ પૂરતા પ્રમાણમાં ઉપલબ્ધ છે કે નહીં તેની ખાતરી કરવામાં આવી હતી અને સ્ટોક રજીસ્ટર સાથે ભૌતિક ચકાસણી કરવામાં આવી હતી અધિકારીએ દવાઓના સ્ટોક રજીસ્ટરને દિવસ મુજબ નિયમિત અપડેટ રાખવા માટે ભારપૂર્વક સૂચના આપી હતી અધિકારી મકવાણાએ સારવાર માટે આવેલ દર્દીઓ સાથે સીધો સંવાદ કરીને તેઓને સમયસર સારવાર મળે છે કે નહીં દવાઓ પૂરતી મળે છે કે નહીં અને તેમની કોઈ ફરિયાદ છે કે કેમ તેની માહિતી મેળવી હતી સ્ટાફની હાજરી અંગે મેડિકલ ઓફિસર, નર્સ, ફાર્માસિસ્ટ સહિતના સ્ટાફની નિયમિત હાજરી, આવવા જવાના સમયની નોંધો તેમજ Movement Register ની તપાસ કરવામાં આવી હતી આ ઉપરાંત, ઓપીડીમાં આવતા દર્દીઓને પ્રાથમિકતા આધારે ઝડપથી સેવા આપવા અને મેડિકલ ઓફિસર સહિતના સ્ટાફે Movement Register માં નિયમિત એન્ટ્રી કરવા તાકીદ કરવામાં આવી હતી PHC ના પરિસર, વેઇટિંગ એરિયા, વોશરૂમ, પાણી અને સ્વચ્છતાની વ્યવસ્થાની તપાસ કરીને જરૂરી સુધારા માટે મૌખિક સૂચનાઓ અપાઇ હતી દર્દીઓને વધુ સરળતાથી સેવા મળી રહે તે માટે ઓપીડી પ્રસૂતિ સેવાઓ અને લેબોરેટરીની કાર્યપદ્ધતિની સમીક્ષા કરીને સૂચનાઓ આપવામાં આવી હતી અંતે નાયબ કલેકટરે દર્દી-મૈત્રી વાતાવરણ જાળવવા અને જો કોઈ ફરિયાદ હોય તો PHC ના પ્રતિસાદ રજીસ્ટરમાં નોંધ કરાવવા સૂચના આપી હતી સાથે જ સમયસર રિપોર્ટિંગ અને રોગચાળાના કેસ અંગે ઉચ્ચ અધિકારીઓને માહિતી આપવા માટે પણ તાકીદ કરવામાં આવી હતી.
