ગોતાણા ગામમાં આગ લાગવાના બનાવ બાબતે પી.જી.વી.સી.એલ દ્વારા સ્પષ્ટતા
ગોતાણા ગામમાં આગ લાગવાના બનાવ બાબતે પી.જી.વી.સી.એલ દ્વારા સ્પષ્ટતા
માળીયા હાટીના તાલુકાના ગોતાણા ગામના ખેડૂત જગદીશભાઈ યાદવના ખેતરમાં આગ લાગવાના બનાવ બાબતે પી.જી.વી.સી.એલ કચેરી દ્વારા સ્થળ તપાસ કરવામાં આવી.તા.૨૫/૧૧/૨૦૨૫ના રોજ ગોતાણા ગામના ખેડૂત શ્રી જગદીશભાઈ યાદવ ના ખેતરે આગ લાગેલ અને આગમાં ખેતરે પડેલ માંડવીનો ઢગલો અને માંડવીનો ભૂકો બળી ગયેલ છે. જે અનુસંધાને પીજીવીસીએલ ના અધિકારી/ કર્મચારી દ્વારા સ્થળ તપાસ કરતા ત્યાંથી પસાર થતી ૧૧ કેવી બુધેચા ખેતીવાડી ફીડરની આ લાઈનના વાયર બરાબર ટાઇટ જોવા મળેલ છે, તેમજ વાયર એક બીજા સાથે ભેગા થાય એવી પરિસ્થિતિ પણ નથી. જ્યાંથી લાઇન પસાર થાય છે ત્યાંથી આશરે ૩૦-૩૫ ફુટ દૂર ખેતર મા માંડવીનો ઢગલો પડેલો હતો. વધુમાં તા.૨૫-૧૧-૨૦૨૫ ના રોજ ૧૧ કેવી બુધેચા ખેતીવાડી ફીડર મા કોઇ પણ જાતનું TT કે PF 66 કેવી બુધેચા સબ સ્ટેશન ના લોગ શીટ મુજબ નોંધાયેલ નથી, તેમજ સદર ફીડર પર ૫૮ AMP લોડ નોંધાયેલ છે. આમ સદર બનાવ પી.જી.વી.સી.એલની લાઇન ના વાયર ભેગા થવાથી બનેલ હોય એવુ સ્થળ વિઝિટ સમયે ધ્યાને આવેલ નથી જે બાબતની પી.જી.વી.સી.એલ ની કચેરી દ્વારા સ્પષ્ટતા કરવામાં આવે છે
રિપોર્ટર : અનિરૂધસિંહ બાબરીયા – કેશોદ
