દાહોદ-ગરબાડા હાઇવે પર ગમખ્વાર અકસ્માત: પીકઅપ ગાડી પલટી ખાતાં રાજસ્થાનના એક જ પરિવારના ૭ લોકો ઘાયલ
તા.૦૯.૦૭.૨૦૨૬
વાત્સલ્યમ્ સમાચાર
અજય સાંસી દાહોદ
Dahod:દાહોદ-ગરબાડા હાઇવે પર ગમખ્વાર અકસ્માત: પીકઅપ ગાડી પલટી ખાતાં રાજસ્થાનના એક જ પરિવારના ૭ લોકો ઘાયલ
દાહોદ-ગરબાડા હાઇવે અકસ્માતનું કારણ ચાલકે સ્ટિયરિંગ પરથી કાબૂ ગુમાવ્યો ઇજાગ્રસ્તો રાજસ્થાનનો શ્રદ્ધાળુ પરિવાર ૭ સભ્યોને બચાવ્યા ૧૦૮ એમ્બ્યુલન્સ મારફતે હોસ્પિટલ દાહોદ જિલ્લામાં માર્ગ અકસ્માતોનો સિલસિલો યથાવત રહ્યો છે, ત્યારે દાહોદ-ગરબાડા હાઈવે પર આજે એક ગમખ્વાર અકસ્માતની ઘટના સામે આવી છે. આ હાઇવે પરથી પસાર થઈ રહેલી એક બોલેરો પીકઅપ ગાડી અચાનક પલટી મારી જતાં હાઈવે પર ચીસાચીસથી ગુંજી ઉઠ્યો હતો.આ અકસ્માતમાં ગાડીમાં સવાર રાજસ્થાનના એક જ પરિવારના ૭ જેટલા સભ્યો ગંભીર રીતે ઘાયલ થયા હતા દર્શન કરી પરત ફરતી વખતે નડ્યો અકસ્માત રાજસ્થાનનો એક શ્રદ્ધાળુ પરિવાર ગુજરાતના એક પ્રસિદ્ધ ધાર્મિક સ્થળે દર્શન કરવા માટે આવ્યો હતો. ભક્તિભાવ પૂર્વક દર્શન અને પૂજા-અર્ચના પૂર્ણ કરીને આ આખો પરિવાર પોતાની પીકઅપ ગાડીમાં સવાર થઈને વતન રાજસ્થાન પરત ફરી રહ્યો હતો. તે દરમિયાન દાહોદ-ગરબાડા હાઈવે પરથી પસાર થતી વખતે કાળમુખો અકસ્માત નડ્યો હતો.ચાલકે સ્ટિયરિંગ પરથી કાબૂ ગુમાવ્યો હાઇવે પર પૂરઝડપે દોડી રહેલી પીકઅપ ગાડીના ચાલકે અચાનક કોઈ કારણોસર સ્ટિયરિંગ પરનો કાબૂ ગુમાવી દીધો હતો. વાહન બેકાબૂ બનતા જ રોડ પર ત્રણ-ચાર પલટીઓ ખાઈ ગયું હતું અકસ્માત એટલો ભયાનક હતો કે ગાડી પલટી જતાંની સાથે જ તેમાં સવાર પુરુષો, મહિલાઓ અને બાળકોની ચીસ પાડી ઉઠ્યા હતા. અકસ્માતને પગલે હાઈવે પરથી પસાર થતા અન્ય વાહન ચાલકો અને સ્થાનિક લોકો તાત્કાલિક મદદ માટે દોડી આવ્યા હતા.૧૦૮ની મદદથી ઇજાગ્રસ્તોને હોસ્પિટલ ખસેડાયા સ્થાનિક લોકોએ માનવતા દાખવીને તાત્કાલિક અકસ્માતનો ભોગ બનેલી ગાડીમાંથી ઇજાગ્રસ્તોને બહાર કાઢવાની કામગીરી શરૂ કરી હતી ૧૦૮ એમ્બ્યુલન્સને જાણ કરી હતી. ઘટનાની માહિતી મળતા જ ૧૦૮ એમ્બ્યુલન્સની ટીમ ઘટના સ્થળે દોડી આવી હતી. પ્રાથમિક સારવાર આપ્યા બાદ તમામ ૭ ઇજાગ્રસ્તોને તાત્કાલિક નજીકની દાહોદ ઝાયડસ હોસ્પિટલમાં સારવાર અર્થે ખસેડવામાં આવ્યા છે, જ્યાં ડોક્ટરો દ્વારા તેમની સારવાર શરૂ કરવામાં આવી છે.પોલીસે કાયદેસરની કાર્યવાહી હાથ ધરી અકસ્માતની જાણ થતાં જ સ્થાનિક પોલીસનો કાફલો પણ ઘટનાસ્થળે દોડી ગયો હતો. પોલીસે હાઇવે પરનો વાહનવ્યવહાર પૂર્વવત કરાવ્યો હતો અને અકસ્માતગ્રસ્ત વાહનને સાઇડમાં ખસેડવાની કામગીરી કરી હતી. પોલીસે આ સમગ્ર મામલે ગુનો નોંધીને ચાલક વિરુદ્ધ કાયદેસરની કાર્યવાહી હાથધરી છે, તેમજ અકસ્માત પાછળ વાહનની સ્પીડ જવાબદાર હતી કે કોઈ યાંત્રિક ખામી, તે દિશામાં વધુ તપાસ શરૂ કરી છે
