વાત્સલ્યમ ન્યૂઝ,બળવતસિંહ ઠાકોર,વડનગર
વડનગર તાલુકાના સુંઢિયા ગામે સેવાસેતુ કાર્યક્રમમાં અરજદારોની વિવિધ ૧૪૧૮ જેટલી અરજીઓનું હકારાત્મક નિરાકરણ આવ્યું.
મહેસાણા જિલ્લાના વડનગર તાલુકામાં સુંઢિયા ગામે દસમાં તબક્કાનો સેવા સેતુ કાર્યક્રમ સુંઢિયા પ્રાથમિક શાળા ખાતે યોજાયો હતો. જેમાં અરજદારોની વિવિધ ૧૪૧૮ જેટલી અરજીઓનું હકારાત્મક નિરાકરણ કરાયું હતું.
રેશનકાર્ડમાં ઈ-કેવાયસી બાબતે, રેશનકાર્ડમાં નામ દાખલ કરવા અંગે, આધારકાર્ડમાં સુધારા વધારા કરવા માટે, મિલકત આકારણીના ઉતારા માટે, રેશનકાર્ડમાં સુધારા કરવા માટે, આવકના દાખલા માટે, પી.એમ.જે.વાય. કાર્ડ માટે, રસીકરણ માટે, આધાર કાર્ડનું બેંક એકાઉન્ટ સાથે જોડાણ, જન્મ મરણ પ્રમાણપત્ર સહીત જુદી જુદી કુલ ૧૪૧૮ અરજીઓ મળી હતી. પ્રાપ્ત થયેલ તમામ અરજીઓનો ૧૦૦% નિકાલ થયો હતો
નોંધનીય છે કે, રાજ્ય સરકારના આ સેવા સેતુ કાર્યક્રમના માધ્યમથી અરજદારોના પ્રશ્નોનું સ્થળ પર સત્વરે નિરાકરણ આવી રહ્યું છે. લોકો સરકારી સેવાઓના લાભો ઘર નજીક જ સરળતાથી મેળવી રહ્યા છે.
સેવા સેતુ કાર્યક્રમમાં ધારાસભ્યશ્રી કિરીટભાઈ પટેલ, મામલતદારશ્રી એસ.એમ. સેંધવ તેમજ સંબંધિત વિભાગના અધિકારી/કર્મચારીશ્રીઓ સહિત અરજદારો ઉપસ્થિત રહ્યા હતા.
