અરવલ્લી
અહેવાલ: હિતેન્દ્ર પટેલ
અરવલ્લી જિલ્લામાં જિલ્લા સમાહર્તા પ્રશસ્તિ પારિકના અધ્યક્ષસ્થાને જિલ્લા સંકલન અને ફરિયાદ સમિતિની બેઠક
બેઠકમાં અરવલ્લી જીલ્લાના હિત અને પ્રશ્નોના સમાધાન માટે ચર્ચા કરવામાં આવી જિલ્લા વહીવટી તંત્ર દ્વારા નવનિયુક્ત મંત્રીશ્રી પી.સી.બરંડાનું સ્વાગત કરવામાં આવ્યું
અરવલ્લી જિલ્લાના મુખ્યમથક મોડાસા કલેકટર કચેરી ખાતે જિલ્લા સમાહર્તાશ્રી પ્રશસ્તિ પારીકની અધ્યક્ષતામાં અને આદિજાતિ વિકાસ, અન્ન અને નાગરીક પૂરવઠા મંત્રી પી.સી.બરંડાની પ્રેરક ઉપસ્થિતિમાં જિલ્લા સંકલન અને ફરિયાદ સમિતિની બેઠક મળી હતી. બેઠકમાં રોડ રસ્તા રિપેરિંગ, નડતરરૂપ વૃક્ષોના નિકાલ, રોડ રસ્તા અંગે ચર્ચા કરવામાં આવી.
બેઠકમાં નિવૃત્ત થતા કર્મચારીઓના પેન્શન, સરકારી લેણાં, કર્મચારીઓને મળતા લાભ, લોક અરજીના નિકાલ અંગે પણ બેઠકમાં ચર્ચા કરવામાં આવી. લોકોની અરજીઓના યોગ્ય નિકાલની પણ ચર્ચા કરાઈ. વહીવટી કામગીરીને ઝડપી અને પરિણામ સભર બનાવવા પણ સૂચન કરાયા.આ બેઠકમાં સાંસદ શોભનાબેન બારૈયા , મોડાસા ધારાસભ્ય ભીખુસિંહ પરમાર, જિલ્લા પોલીસ વડાશ્રી મનોહરસિંહ જાડેજા, નિવાસી અધિક કલેક્ટર ડી.વી.મકવાણા સહિત જિલ્લા સંકલન સમિતિના અધિકારીઓ ઉપસ્થિત રહ્યા હતાં.
