ગાંધીધામ મહાનગરપાલિકા દ્વારા નેશનલ સ્પોર્ટ-ડે નિમિત્તે ગાંધીધામ મહાનગરપાલિકા દવારા સાયકલિંગ મેરેથોન કાર્યક્રમ યોજાયો.
વાત્સલ્યમ્ સમાચાર.
રિપોર્ટ :- રમેશ મહેશ્વરી – ગાંધીધામ કચ્છ.
ગાંધીધામ ,તા-૩૧ ઓગસ્ટ : ગાંધીધામ મહાનગરપાલિકા દ્વારા નેશનલ સ્પોર્ટ-ડે નિમિત્તે સાયકલિંગ મેરેથોન કાર્યક્રમ નું આયોજન કરવામાં આવેલ. જેમાં આ કાર્યક્રમનું પ્રારંભ સવારે ૦૬-૩૦ કલાકે થી રોટરી ફોરેસ્ટ (રોટરી સર્કલ) પર થી કરવામાં આવેલ અને મુન્દ્રા સર્કલ સુધી જઈને પરત રોટરી ફોરેસ્ટ (રોટરી સર્કલ) ખાતે પૂર્ણ થયો હતો. આ મેરેથોનો મુખ્ય હેતુ નાગરિકોમાં આરોગ્ય જાગૃતિ ફેલાવવાનો તેમજ રમત-ગમત પ્રત્યે રસ અને પ્રેરણા જાગૃત કરવાનો હતો. આ કાર્યક્રમમાં મહાનગરપાલિકાના નાયબ મ્યુનિસિપલ કમિશ્નરશ્રી મેહુલ દેસાઈ, આરોગ્ય અધિકારીશ્રી ડો.દિનેશ સુથરીયા અને તેમની ટીમ અને તત્કાલિન નગરપાલિકાના પૂર્વ પ્રમુખશ્રી તેજશભાઇ શેઠ, પૂર્વ કારોબારી ચેરમેનશ્રી, એ.કે. સિંહ, પૂર્વ ટેક્ષેશન સમિતિના ચેરમેનશ્રી કમલેશ પરીયાણી તેમજ રમત-ગમત અધિકારીશ્રી જયોતિબેન ઠાકુર, મારવાડી યુવા મંચ, અગ્રવાલ સમાજ, મહાનગરપાલિકાનો સ્ટાફ અને પોલીસ પ્રશાસન તેમજ શાળાના વિર્ધાથીઓ અને મોટી સંખ્યામાં નાગરીકો, યુવાનો અને ખેલ પ્રમીઓ ઉત્સાહપૂર્વક જોડાતા હતા.
