રોજમદાર તરીકે ફરજ બજાવતા બે સ્વર્ગસ્થ ના વારસ પત્નીઓને મજૂર અદાલત ગોધરા દ્વારા રૂપિયા બે બે લાખ ચૂકવવાનો આદેશ
તારીખ ૨૫/૦૮/૨૦૨૪
સાજીદ વાઘેલા કાલોલ
મહીસાગર જિલ્લાના લુણાવાડા મુકામે આવેલ ભાદર નહેર વિતરણ પેટા વિભાગ માં વર્ષ ૧૯૯૭ થી રોજમદાર તરીકે ફરજ બજાવતા વીરાભાઇ ગલાભાઈ પટેલિયા તથા વર્ષ ૧૯૯૫ થી રોજમદાર તરીકે ફરજ બજાવતા ચુ઼ફરા લક્ષ્મણભાઈ પગી ને કોઈપણ જાતના વ્યાજબી કારણો સિવાય જુલાઈ ૨૦૧૧ના રોજ થી ગેરકાયદેસર રીતે મજૂર કાયદાની જોગવાઈઓ ઉલ્લંઘન કરી સંસ્થા દ્વારા લાંબા સમયની નોકરીમાંથી છૂટા કરી દેતા અરજદારોએ ગુજરાત સ્ટેટ લેબર ફેડરેશન ના પ્રમુખ એ એસ ભોઈનો સંપર્ક કરી તેમને થયેલા ન્યાય બાબતે રજૂઆત કરતા ફેડરેશન દ્વારા આ કામના સામાવાળા નાયબ કાર્યપાલક ઇજનેર ભાદર નહેર વિતરણ લુણાવાડા વિરુદ્ધ ઔદ્યોગિક વિવાદ ધારા ૧૯૪૭ ની કલમ ૧૦ (૧).હેઠળ પડેલા દિવસોના પગાર સાથે નોકરીમાં પુનઃસ્થાપિત કરવા અંગે મદદનીશ મજુર કમિશનર ગોધરા સમક્ષ વિવાદ ઉપસ્થિત કરેલ જે કામે પક્ષકારો વચ્ચે સુખદ સમાધાન ન થતા આ કેસ નામદાર મજૂર અદાલત ગોધરા કોર્ટ નંબર ૨ માં રેફરન્સ કરવામાં આવેલ જેના રેફરન્સ કેસ નંબર ૯૮઼/૧૪ તથા ૯૦/૧૪ પડેલ કેસની કાનૂની કાર્યવાહી મજૂર અદાલત કોર્ટ સમક્ષ હાથ ધરવામાં આવેલ જે અરસા દરમિયાન બંને અરજદારોના અકાળે અવસાન થતા વીરાભાઇના વારસ પત્ની ગલીબેન તથા ચુફરભાઈ ના વારસ પત્ની કંકુબેન ને વારસ તરીકે જોડવામાં આવેલ આમ આ કેસની કાનૂની કાર્યવાહી હાથ ધરવામાં આવેલ જે કામે અરજદારો તરફે એડવોકેટ સીતેશ ભોઈ તથા વૈભવ ભોઈ દ્વારા કેસમાં પડેલા પુરાવા આધારિત દલીલો કરતા મજુર અદાલત ગોધરા કોર્ટ નંબર ૨ ના ન્યાયાધીશ કમલેશકુમાર દિનેશભાઈ વિડજા સાહેબ કેસમાં પડેલા પુરાવા ધ્યાને લઈ ગુજરનાર કામદારોને છૂટા કરવાનું પગલું મજૂર કાયદાની જોગવાઈ ઉલ્લંઘન કરી આઈડી એકટ ની કલમ ૨૫ એચ અને ૨૫ એફ નો ભંગ કર્યાનું જાહેર કરી ગુજરનાર બંને કામદારોના વારસ પત્નીઓને રૂપિયા બે બે લાખ ચૂકવવા તથા કેસના ખર્ચ પેટે રૂપિયા ૫૦૦૦ ચૂકવવાનો તારીખ ૯/૮/૨૪ ના રોજ હુકમ કરતા વારસો ને આશરે ૧૩ વર્ષ પછી ન્યાય મળતા પરિવારમાં આનંદની લાગણી વ્યાપી ગઈ છે.
