લખતર તાલુકામાં સામાન્ય વહીવટ વિભાગ હસ્તકના રૂ.૧૮ લાખના ૬ કામોનું ઈ-ખાતમુહૂર્ત અને રૂ.૨૭ લાખના ૧૦ કામોનું ઈ-લોકાર્પણ કરાયું.
વિકાસ સપ્તાહની ઉજવણી અંતર્ગત GWIL પમ્પિંગ સ્ટેશનથી ઢાંકી પમ્પિંગ સ્ટેશન સુધી વિકાસ પદયાત્રા યોજાઈ
તા.15/10/2024/
બાવળિયા ઉમેશભાઈ સુરેન્દ્રનગર
વિકાસ સપ્તાહની ઉજવણી અંતર્ગત GWIL પમ્પિંગ સ્ટેશનથી ઢાંકી પમ્પિંગ સ્ટેશન સુધી વિકાસ પદયાત્રા યોજાઈ
વિકાસ સપ્તાહની ઉજવણી અંતર્ગત GWIL પમ્પિંગ સ્ટેશનથી ઢાંકી પમ્પિંગ સ્ટેશન સુધી વિકાસ પદયાત્રાનું આયોજન કરવામાં આવ્યું હતું આ કાર્યક્રમમાં પાણીપુરવઠા મંત્રી કુંવરજીભાઈ બાવળીયાએ સંબોધન કરતાં જણાવ્યું હતું કે નરેન્દ્રભાઈ મોદીએ ૭ ઓક્ટોબર ૨૦૦૧ના દિવસે ગુજરાત રાજ્યના ૧૪મા મુખ્યમંત્રી તરીકે શપથ લીધા અને ગુજરાતમાં વિકાસની રાજનીતિનો એક નવો અધ્યાય શરૂ થયો છે છેલ્લા અઢી દાયકામાં વિઝનરી લીડર તરીકે નરેન્દ્રભાઈ મોદીએ ગુજરાત અને દેશની રાજનીતિને બદલી છે અને તેઓના સુશાસન થકી ગુજરાત અને ભારતને વિશ્વવ્યાપી ઓળખ મળી છે છેલ્લા ૨૩ વર્ષમાં ગુજરાતને વિકાસ મોડેલ બનાવવા રાજ્ય સરકાર દ્વારા અનેક પ્રજાલક્ષી નિર્ણયો, કાર્યક્રમો તથા યોજનાઓ અમલમાં મુકાઈ છે વિકસિત ભારતની સંકલ્પના સાકાર કરવા પાણીના એક-એક ટીપાનો સિંચાઈ અને પીવા માટે ઉપયોગ કરવો પડશે તે વર્તમાન સમયની માંગ છે એમ કહેતાં વધુમાં તેમણે જણાવ્યું હતું કે વર્ષો પહેલા તત્કાલીન મુખ્યમંત્રી અને વડાપ્રધાન નરેન્દ્રભાઈ મોદીએ સમગ્ર ગુજરાતનો પ્રવાસ કરી રાજ્યના ખેડૂતોને પાણીના એક-એક ટીપાનો વિવેકપૂર્ણ ઉપયોગ કરવા આહ્વાન કર્યું હતું વડાપ્રધાનના ચીંધેલા માર્ગે આજે મુખ્યમંત્રી ભૂપેન્દ્રભાઈ પટેલના નેતૃત્વમાં ‘સુજલામ્ સુફલામ્ જળ અભિયાન’ થકી જળસંચય, જળસિંચન અને જળ વ્યવસ્થાપન ક્ષેત્રે સમગ્ર દેશને ગુજરાતે નવી દિશા આપી છે સિંચાઈના પાણીની ઉપલબ્ધતા વધતા કૃષિ પ્રવૃત્તિને ઉત્તેજન મળ્યું છે જેના પરિણામે ખેતપેદાશમાં પણ વધારો થયો છે ગુજરાત સરકારની કૃષિ ક્ષેત્રની અનેક પ્રોત્સાહક યોજનાઓના પરિણામે ખેડૂત-પશુપાલકોની આવક વધતાં સમૃદ્ધિ આવી છે કૃષિ ક્ષેત્ર સમૃદ્ધ થતાં રોજગારી પણ વધી છે કૃષિ સંબંધિત ઓજારો, ખાતર, પશુપાલનની પ્રવૃત્તિને પણ વેગ મળતાં રોજગારી વધી છે ઢાંકી પમ્પિંગ સ્ટેશન વિશે વાત કરતાં વધુમાં તેમણે ઉમેર્યું હતું કે તાત્કાલીન મુખ્યમંત્રી તરીકે નરેન્દ્રભાઈ મોદીએ ગુજરાતના ગામે-ગામ નર્મદાના નિર પહોંચાડવાનો નિર્ધાર કર્યો હતો તેમના વિઝન અનુસાર ગુજરાત રાજ્યમાં વોટરગ્રીડ તૈયાર થઈ તેના ભાગરૂપે અનેક પમ્પિંગ સ્ટેશનો ઉભા કરવાની જરૂરિયાત જણાઈ હતી જેના ભાગરૂપે સુરેન્દ્રનગર જિલ્લાના ઢાંકી ગામે એશિયાના સૌથી મોટા પમ્પિંગ સ્ટેશનનું નિર્માણ થયું છે ઢાંકી પમ્પિંગ સ્ટેશન સૌની યોજનાનું મહત્વનું કેન્દ્ર છે અહીંથી પાણી સૌરાષ્ટ્ર અને કચ્છમાં મોકલવામાં આવે છે વર્ષ ૨૦૪૭માં વિકસિત ભારતનું વડાપ્રધાન નરેન્દ્રભાઈ મોદીનું સ્વપ્ન સૌના સાથથી સાકાર કરી ભારત સાચા અર્થમાં વિશ્વગુરૂ બને એવી શુભકામના પણ પાઠવી હતી વઢવાણ પ્રાંત અધિકારી નિકુંજ ધુળા દ્વારા કાર્યક્રમનું સ્વાગત પ્રવચન અને જિલ્લા યુવા વિકાસ અધિકારી ભરતસિંહ ગોહિલ દ્વારા કાર્યક્રમની આભાર વિધિ કરવામાં આવી હતી પાણીપુરવઠા મંત્રી કુંવરજીભાઈ બાવળીયા, નાયબ મુખ્ય દંડક જગદીશભાઈ મકવાણા સહિતના મહાનુભાવો દ્વારા ફ્લેગઓફ કરીને પદયાત્રાને પ્રસ્થાન કરાવ્યું હતું પદયાત્રાના સમગ્ર રૂટ પર પદયાત્રીઓ દ્વારા ભારત માતા કી જય, વંદે માતરમ સહિતના નારાઓનો જયઘોષ કરી દેશભક્તિનું વાતાવરણ સર્જી દીધું હતું આ ઉપરાંત સાંસ્કૃતિક કાર્યક્રમને પણ લોકોએ મન ભરીને માણ્યો હતો આજરોજ ઢાંકી ખાતે વિકાસ પદયાત્રામાં લખતર તાલુકામાં સામાન્ય વહીવટ વિભાગ આયોજન હસ્તકના રૂ.૧૮ લાખના ૬ કામોનું ઈ-ખાતમુહૂર્ત અને રૂ.૨૭ લાખના ૧૦ કામોનું ઈ-લોકાર્પણ કરવામાં આવ્યું હતું આ પ્રસંગે નાયબ મુખ્ય દંડક જગદીશભાઈ મકવાણા, લીંબડી ધારાસભ્ય કિરીટસિંહ રાણા, ધ્રાંગધ્રા ધારાસભ્ય પ્રકાશભાઈ વરમોરા, પાટડી ધારાસભ્ય પી.કે.પરમાર, તાલુકા પંચાયત પ્રમુખ વાસુદેવભાઈ, પૂર્વ સાંસદ શંકરભાઈ વેગડ, અગ્રણી જયેશભાઈ પટેલ, જિલ્લા વિકાસ અધિકારી રાજેશ તન્ના, નિવાસી અધિક કલેકટર આર.કે.ઓઝા સહિત સંબંધિત વિભાગોના અધિકારીઓ ઉપસ્થિત રહ્યા હતા.
