ગાંધીધામમાં બી.એસ.એફની ૮૫ બટાલિયનના જવાનોએ રક્તદાન કરીને વડાપ્રધાન ના જન્મદિવસની ઉજવણી કરી

RAMESH MAHESHWARISeptember 18, 2025Last Updated: September 18, 2025

4 Less than a minute

વાત્સલ્યમ્ સમાચાર.

રિપોર્ટ :- રમેશ મહેશ્વરી – ગાંધીધામ કચ્છ.

ગાંધીધામ ,તા-૧૮ સપ્ટેમ્બર : વડાપ્રધાન નરેન્દ્રભાઈ મોદીના જન્મદિવસની ઉજવણી નિમિત્તે ગાંધીધામમાં બોર્ડર સિક્યોરિટી ફોર્સની ૮૫મી બટાલિયનના જવાનોએ રક્તદાન કર્યું હતું. ગાંધીધામમાં તેરાપંથ યુવક પરિષદ અને મારવાડી યુવા મંચ દ્વારા શ્રી રાજાભાઈ પટેલ બ્લડ સેન્ટર ખાતે એક મેગા રક્તદાન ઝુંબેશનું આયોજન કરવામાં આવ્યું હતું. આ કેમ્પમાં ગાંધીધામ સ્થિત બોર્ડર સિક્યોરિટી ફોર્સની ૮૫મી બટાલિયનના જવાનોએ ઉત્સાહપૂર્વક ભાગ લીધો હતો. બી.એસ.એફ જવાનોએ સ્વૈચ્છાએ રક્તદાન કરીને અન્ય નાગરિકોને પ્રેરણા પુરી પાડી હતી. આયોજકોએ બ્લડ ડોનેશન કેમ્પમાં ઉત્સાહભેર ભાગ લેવા માટે બોર્ડર સિક્યોરિટી ફોર્સની ૮૫મી બટાલિયનના કમાન્ડન્ટશ્રી શિવ કુમારનો આભાર વ્યક્ત કર્યો હતો.