
જૂનાગઢ તા. ૨૯ જુનાગઢ જિલ્લાની ભેસાણ તાલુકાની શ્રી સાંકરોળા પ્રાથમિક શાળામાં શાળા પ્રવેશોત્સવ અને કન્યા કેળવણી મહોત્સવનું આયોજન કરવામાં આવ્યું હતું. જે અંતર્ગત બાળકોને પ્રોત્સાહિત કરવા માટે રાજ્ય કક્ષાએથી અતિથિ વિશેષ તરીકે હેલ્થ એન્ડ ફેમિલી ડિપાર્ટમેન્ટ સચિવાલય, ગાંધીનગર માંથી ઉપસચિવ શ્રી વિષ્ણુભાઈ પટેલ અને સહ અધિકારી તરીકે શ્રી ભરતભાઈ પરમાર ખાસ ઉપસ્થિત રહ્યા હતા. આ ઉપરાંત તાલુકા કક્ષાએથી સદસ્ય જિલ્લા પંચાયત કુમારભાઈ બસિયા,કારોબારી ચેરમેન શ્રી તાલુકા પંચાયત દિપકભાઈ સતાસિયા, સદસ્ય તાલુકા પંચાયત ઘનશ્યામભાઈ પટોળીયા, બી.આર.સી કો. દિલીપભાઈ મકવાણા સી.આર.સી કો. કમલેશભાઈ દાફડા અને બી.આર.પી કેતનભાઈ રૂપાપરા નો સહકાર પ્રાપ્ત થયો હતો. ખૂબ જ મોટી સંખ્યામાં ગ્રામજનો એસ એમ સી સભ્યો, વાલીગણ, ગ્રામ પંચાયતના સભ્યો, સરપંચ શ્રી, ઉપસરપંચ શ્રી વગેરે હાજર રહ્યા હતા. કાર્યક્રમ અંતર્ગત આંગણવાડીના ભૂલકાઓ, બાલવાટિકાના અને ધોરણ-૧ માં પ્રવેશ પામતા બાળકોનો શૈક્ષણિક કીટ આપી વિદ્યા પ્રવેશ કરાવવામાં આવ્યો હતો. શાળાને અવારનવાર દાન આપતા દાતાશ્રીઓ નું સન્માન તેમજ વાલીશ્રીનું સન્માન પણ કરવામાં આવ્યું હતું.
સમગ્ર કાર્યક્રમ બાદ અતિથિ વિશેષ અને અધિકારી શ્રી દ્વારા શાળાના વર્ગખંડની મુલાકાત કરવામાં આવી હતી તેમજ પુસ્તક પ્રદર્શન નિહાળ્યું હતું. અને શાળાની જીણામાં ઝીણી બાબતનું નિરીક્ષણ કર્યું હતું. ત્યારબાદ તમામ શિક્ષકોને સુંદર કાર્ય કરવા માટે શુભેચ્છા પાઠવી હતી અને વધુ સારી રીતે કાર્ય કરવા માટે પ્રોત્સાહિત કર્યા હતા. શાળા પરિવારના તમામ શિક્ષકો, આચાર્યશ્રી, મધ્યાન ભોજન સંચાલક શ્રી, એસ એમ સી અધ્યક્ષ અને સરપંચ શ્રીના સહકાર દ્વારા કાર્યક્રમ યાદગાર અવસરમાં પરિવર્તિત થયો હતો.





