આંબોલી ગામની સીમમાં બુલેટ ટ્રેન પ્રોજેક્ટના સામાનની ચોરીના બે આરોપીઓ ઝડપાયા…
સમીર પટેલ, ભરૂચ
બુલેટ ટ્રેન પ્રોજેકટમાં આંબોલી ગામની સીમમાં આવેલ પીલ્લર બનાવવા ઉપયોગતા સરસામાની ચોરીના ગુનામાં બે આરોપીઓને અંકલેશ્વર શહેર “એ” ડિવિઝન
પોલીસે ઝડપી પાડયા હતા. અંકલેશ્વર શહેર “એ” ડિવિઝન પોલીસની ટીમ પેટ્રોલીંગમાં હતી તે દરમ્યાન બાતમીદારથી બાતમી મળી હતી કે અંબોલી તરફથી સુરતીભાગોળ બાજુ ઈક્કો ફોર વ્હીલ ગાડી નં. GJ – 16 – CH – 3027 માં શંકાસ્પદ મુદ્દામાલ ભરેલ ઇક્કો ગાડી આવે છે જે મળેલો બાતમીના આધારે સુરતી ભાગોળ ત્રણ ૨સ્તા પાસે પોલીસ વોચમા હતી તે દરમ્યાન બાતમી મુજબના વર્ણનવાળી ઈક્કો ફોર વ્હીલ ગાડી આવતા તેને રોકી તપાસ કરતા ડ્રાઇવર સાથે એક ઇસમ બેસેલ હોય અને ઈક્કો ફોર વ્હીલ ગાડી શંકાસ્પદ સરસામાન ભરેલ હોય જે બાબતે સદર ઇસમો પાસે કોઈ બીલ કે આધાર પુરાવો માંગતા નહી હોવાનું જણાવી કોઇ સંતોષ કારક જવાબ આપેલ નહી જેથી સદર ઇસમોએ લોખંડના એટેચમેન્ટ પ્લેટ, લોકીંગ બ્રેકેટ, સીંગલ હોલ પ્લેટ, ડબલ હોલ પ્લેટ, મેકલોઇબાર અને નટ, મકેનીકલ જેક કોઈ જગ્યાએથી ચોરી તથા અગર છળકપટથી મેળવી પોતાના કબ્જામાંની ઇક્કો ફોર વ્હીલ ગાડીમાં ભરી લાવેલ હોવાનું જણાવતા અત્રેના અંકલેશ્વર શહેર “એ” ડિવિઝન પોલીસ સ્ટેશને લાવી પુછપરછ કરી ગુનાની કબુલાત કરી હતી. જેથી આરોપી પાસેથી મુદ્દામાલ રીકવર કરવામાં આવ્યો છે. અને અત્રેના પો.સ્ટે. ખાતે ગુનો ૨જીસ્ટર ક૨વામાં આવેલ અને આગળની વધુ તપાસ પો.સ.ઇ. જે.પી.ચૌહાણ કરી રહ્યા છે…
