TANKARA:ટંકારાના નેકનામ-પધધરી રોડ પરથી બંધ બોડીની ટ્રકમાંથી લાખોની કિંમતનો વિદેશી દારૂ ઝડપાયો
TANKARA:ટંકારાના નેકનામ-પધધરી રોડ પરથી બંધ બોડીની ટ્રકમાંથી લાખોની કિંમતનો વિદેશી દારૂ ઝડપાયો
ટંકારા: મોરબી જિલ્લાના ટંકારા તાલુકામાં પ્રોહિબિશન ડ્રાઇવ દરમિયાન પોલીસે વિદેશી દારૂનો મોટો જથ્થો ઝડપી પાડવામાં સફળતા મેળવી છે. નેકનામ-પધધરી રોડ પરથી એક બંધ બોડીની ટ્રકમાંથી લાખોની કિંમતનો વિદેશી દારૂ ઝડપાયો છે.
ટંકારા પોલીસનો સ્ટાફ જ્યારે પ્રોહિબિશન ડ્રાઇવ હેઠળ પેટ્રોલીંગમાં હતો, ત્યારે તેમને ચોક્કસ બાતમી મળી હતી કે એક ટ્રકમાં દારૂનો જથ્થો પસાર થઈ રહ્યો છે. આ બાતમીના આધારે પોલીસે વોચ ગોઠવી નેકનામ-પડધરી રોડ પર એક શંકાસ્પદ બંધ બોડીની ટ્રકને અટકાવી હતી.ઝડપાયેલ મુદ્દામાલ ટ્રકની તલાસી લેતા તેમાંથી મોટી માત્રામાં ભારતીય બનાવટનો વિદેશી દારૂ મળી આવ્યો હતો:દારૂની બોટલો (નાની-મોટી): 14,352 નંગ દારૂની કુલ કિંમત: ₹56,94,000/-કુલ મુદ્દામાલ (ટ્રક સહિત): ₹59,94,000/-
પોલીસ કાર્યવાહી પોલીસે આ મામલે LPT 407 ટ્રક (નંબર: GJ-14-Z-6857) ના ચાલક તેમજ તપાસમાં ખુલેલા અન્ય આરોપી નવઘણભાઇ મોહનભાઇ બાંભવા (રહે. શનાળા બાયપાસ, તુલસીપાર્ક, મોરબી) વિરુદ્ધ પ્રોહિબિશન એક્ટ હેઠળ ગુનો નોંધી કાયદેસરની તપાસ હાથ ધરી છે.
નોંધ: ટંકારા પોલીસની આ કામગીરીથી બુટલેગરોમાં ફફડાટ વ્યાપી ગયો છે. હાલ પોલીસ આ દારૂનો જથ્થો ક્યાંથી આવ્યો હતો અને ક્યાં મોકલવાનો હતો તે દિશામાં વધુ તપાસ કરી રહી છે.
