MORBI:મોરબીમાં પ્રોહીબીશનના ગુનામાં સંડોવાયેલ ઇસમ અને એક મહિલા પાસા તળે જેલ હવાલે
MORBI:મોરબીમાં પ્રોહીબીશનના ગુનામાં સંડોવાયેલ ઇસમ અને એક મહિલા પાસા તળે જેલ હવાલે
મોરબી જીલ્લા પોલીસ દ્વારા પ્રોહીબીશનના ગુનામાં સંડોવાયેલા બે શખ્સો વિરુદ્ધ કડક કાર્યવાહી હાથ ધરી છે. જેમાં મોરબી એલસીબી અને પેરોલ ફર્લો સ્ક્વોડ ટીમ પોલીસની કામગીરી હેઠળ એક મહિલા તથા એક ઈસમને પાસા હેઠળ ડીટેઇન કરી અનુક્રમે વડોદરા મધ્યસ્થ જેલ અને ભાવનગર જીલ્લા જેલમાં મોકલવામાં આવ્યા છે.
મોરબી જીલ્લા પોલીસ અધિક્ષકે પ્રોહીબીશનની ગેર કાયદેસર પ્રવૃત્તિ કરતા ઇસમો સામે પાસા હેઠળ કડક કામગીરી કરવા સૂચના કરેલ હોય જેથી મોરબી એલસીબી પીઆઇ એમ.પી.પંડયાએ પ્રોહીબીશનના ગુન્હાઓમાં સંડોવાયેલ સલીમભાઇ બાબુભાઇ વિકીયાણી તથા એક મહીલા મનીષાબેન સુરેશભાઇ લક્ષ્મણભાઇ થરેસા વિરૂધ્ધ પાસા દરખાસ્ત તૈયાર કરી જીલ્લા મેજિસ્ટ્રેટ મોરબીનાઓ તરફ મોકલતા, કે.બી.ઝવેરી જીલ્લા મેજીસ્ટ્રેટ દ્વારા પ્રોહીબીશનની ગેરકાયદેસર પ્રવૃત્તિ સાથે સંકળાયેલ બન્નેના પાસા વોરંટ ઇશ્યુ કરેલ હોય, જે સામાવાળાઓને સત્વરે અટકાયત કરવા માટે એલસીબી પીઆઇના માર્ગદર્શન હેઠળ એલસીબી તથા પેરોલ ફર્લો સ્ક્વોડ ટીમ સાથે અલગ-અલગ ટીમો બનાવી બન્ને આરોપી સલીમભાઇ બાબુભાઇ વિકીયાણી ઉવ.૩૮ રહે. સરાયા ગામ તા.ટંકારા તથા મનીષાબેન સુરેશભાઇ લક્ષ્મણભાઇ થરેસા ઉવ.૪૫ રહે.મોરબી વજેપર શેરી નંબર-૨૪ તા.જી.મોરબી વાળાને પાસા એકટ તળે ડીટેઇન કરી મધ્યસ્થ જેલ વડોદરા અને જીલ્લા જેલ ભાવનગર એમ અલગ-અલગ જેલ ખાતે મોકલી આપેલ છે.
