MORBI:મોરબીમા ઠેર ઠેર કૃષ્ણ જન્મોત્સવ ઉજવણી વરસતા વરસાદમાં શોભાયાત્રા અને મટકી ફોડ કાર્યક્રમ યોજાયો
MORBI:મોરબીમા ઠેર ઠેર કૃષ્ણ જન્મોત્સવ ઉજવણી
વરસતા વરસાદમાં શોભાયાત્રા અને મટકી ફોડ કાર્યક્રમ યોજાયો
રીપોર્ટ:- શ્રીકાંત પટેલ-મોરબી
મોરબી જિલ્લામાં વરસાદી માહોલ વચ્ચે સમગ્ર રાજ્યમાં ભગવાન કૃષ્ણના જન્મ નો ઉત્સવ એવા જન્માષ્ટમી પર્વ ની હર્ષોલ્લાસ અને ઉમંગભેર ઉજવણી કરવામાં આવી છે. મોરબી જિલ્લા માં ઠેર ઠેર શોભાયાત્રા અને દહીં હાંડી મહોત્સવ ઉજવણી કરવામાં આવી છે ત્યારે મોરબી શહેરમાં પણ દર વર્ષની જેમ આં વર્ષે ભગવાન શ્રી કૃષ્ણની મુખ્ય શોભાયાત્રા વરસતા વરસાદમાં રેલ્વે સ્ટેશન રોડ પર આવેલાં શ્રી જડેશ્વર મહાદેવના મંદિરે થી નીકળી હતી. શહેરના રેલ્વે સ્ટેશન રોડ ,સુપર સિનેમા ચોક, સુભાષ રોડ, ત્રિકોણ બાગ,ગેસ્ટ હાઉસ રોડ નહેરુ ગેટ ચોક સહિતનાં વિસ્તારોમાં શોભાયાત્રાના રૂટ પર “નંદ ઘેર આનંદ ભયો” જય કનૈયાલાલ કી” નો ગનગનભેદી નાદ ગુંજયો હતો.સમગ્ર જગતને ગીતાના માધ્યમથી કર્મનો સિદ્ધાંત આપનાર ભગવાન શ્રીકૃષ્ણનો આજે ગોકુળ અષ્ટમીના દિવસે જન્મદિવસ નિમિતે સમગ્ર મોરબીવાસીઓએ હરખભેર દેવકીનંદનના જન્મોત્સવના હર્ષભેર વધામણાં કરવામાં આવી રહ્યા છે. જન્માષ્ટમી નિમિતે મોરબી શહેરને ગોકુળીયા ગામમાં ફેરવી દઈને રંગબેરંગી ધજા પતાકા સહિતનો શણગાર કરવામાં આવ્યો છે.
નંદલાલાના જન્મ વધામણા કરવા ઠેર-ઠેર શોભાયાત્રા, રાસ-ગરબા, મટકી ફોડ સહિતના કાર્યક્રમો આયોજિત થયા છે, ત્યારે મોરબી શહેરના વિવિધ સ્થળોએ પણ હર્ષોલ્લાસ સાથે જન્માષ્ટમી પર્વની ઉજવણી કરાઈ રહી છે. જડેશ્વર મંદિરેથી સર્વે હિન્દુ સંગઠનો દ્વારા ભવ્ય શોભાયાત્રાનો પ્રારંભ થયો છે. ઉપરાંત અનેક સોસાયટીઓમાં રાસ-ગરબા, મટકી ફોડ સહિતના કાર્યક્રમો ઉજવાઇ રહ્યા છે.આ ઉપરાંત ભગવાન શ્રી કૃષ્ણની ભવ્ય શોભાયાત્રામાં વરસતા વરસાદમાં મોટું માનવ મહેરામણ ઉમટી પડ્યું છે. શોભાયાત્રા મુખ્ય રાજમાર્ગો પર ફરીને ઠેરઠેર મટકી ફોડ કરીને નંદ ઘેર આનંદ ભયો..જય કનૈયા લાલ કી..ના ગગનભેદી નાદ સાથે કૃષ્ણ જન્મોત્સવ રંગેચંગે મનાવવામાં આવી રહ્યો છે.
