MALIYA (Miyana)માળીયા (મી.) નગરપાલિકા ખાતે જન્મ–મરણ પુનઃગઠન કામગીરી તાત્કાલિક શરૂ કરવાની માંગ — આમ આદમી પાર્ટી માળિયા શહેર ટીમ તરફથી અલ્ટીમેટમ
MALIYA (Miyana)માળીયા (મી.) નગરપાલિકા ખાતે જન્મ–મરણ પુનઃગઠન કામગીરી તાત્કાલિક શરૂ કરવાની માંગ — આમ આદમી પાર્ટી માળિયા શહેર ટીમ તરફથી અલ્ટીમેટમ
આજે આમ આદમી પાર્ટી માળિયા શહેર ટીમ દ્વારા માળીયા મીયાણા નગરપાલિકા કચેરી ખાતે જન્મ અને મરણ પુનઃગઠન કામગીરી તાત્કાલિક શરૂ કરવા અંગે રજૂઆત સાથે અલ્ટીમેન્ટ આપવામાં આવ્યું. ટીમ દ્વારા જણાવાયું હતું કે લાંબા સમયથી અંદાજે 1200 જેટલી અરજીઓ પ્રલંબિત છે, જેના કારણે સામાન્ય નાગરિકોને ભારે હાલાકીનો સામનો કરવો પડી રહ્યો છે.
પાર્ટીના આગેવાનોના જણાવ્યા મુજબ, જો આગામી 15 દિવસમાં કામગીરી પુનઃ શરૂ નહિ થાય તો લોકહિતમાં લોકશાહી માર્ગે કડક પગલાં લેવાની ચેતવણી આપવામાં આવી છે. નાગરિકોને જરૂરી પ્રમાણપત્રો સમયસર ન મળતા રોજિંદા કામકાજમાં ભારે વિક્ષેપ ઊભો થઈ રહ્યો છે, જેને તરત દૂર કરવાની માંગ સાથે આવેદનપત્ર નગરપાલિકા અધિકારીઓને સુપરત કરવામાં આવ્યું.
આમ આદમી પાર્ટી માળિયા શહેર ટીમે જણાવ્યું કે જનહિતના મુદ્દે કોઈપણ પ્રકારની બેદરકારી સ્વીકાર્ય નથી અને નાગરિકોની યોગ્ય સેવાઓ સમયસર મળવી તે તેમની પ્રાથમિકતા છે
