MORBI: મોરબીના રાજપરના યુવાનને વ્યાજખોરોએ અપહરણ કરીને ધાક ઘમકી આપી અને પઠાણી ઉઘરાણી કરતા ત્રણ વ્યાજખોર સામે ફરીયાદ નોંધાઈ
MORBI: મોરબીના રાજપરના યુવાનને વ્યાજખોરોએ અપહરણ કરીને ધાક ઘમકી આપી અને પઠાણી ઉઘરાણી કરતા ત્રણ વ્યાજખોર સામે ફરીયાદ નોંધાઈ
મળતી વિગતો મુજબ, મોરબીના રાજપર ગામે રહેતા હરેશભાઇ ગોરધનભાઈ વડગાસીયા ઉવ.૩૪ એ બી ડિવિઝન પોલીસ મથકમાં આરોપી રવીભાઈ સવજીભાઈ મારવણીયા રહે.રાજપર તા.જી.મોરબી, કેલ્વીનભાઈ પટેલ તથા વિશાલભાઈ વિનોદભાઈ પારેજીયા એમ ત્રણ આરોપીઓ વિરુદ્ધ ફરિયાદ નોંધાવી કે ફરીયાદી હરેશભાઈએ આરોપી રવિભાઈ પાસેથી વીશ લાખ ૩૦% ના વ્યાજે લીધેલ હોય અને રૂ.બત્રીસ લાખ ચુકવી આપેલ હોય તેમજ આરોપી વિશાલભાઈ પાસેથી કટકે કટકે રૂ.વીશ લાખ ૧૫ % તથા ૩૦ % વ્યાજે લઈ ૨૭ લાખ ચૂકવી દીધા હોય તેમ છતા વધુ રૂપીયા ચુકવવા અવાર નવાર ફોન તેમજ રૂબરૂ આવી ફરિયાદી હરેશભાઇને ધાક ધમકી આપતા હોય, તેમજ આરોપી વિશાલભાઈના સાઢુભાઈ આરોપી કેલ્વિનભાઈ થતા હોય, જેના મારફતે અવાર-નવાર વ્યાજે આપેલ રૂપીયાની ઉધરાણી કરાવતા હોય, ત્યારે ગઈ તા.૨૭/૦૩ના રોજ આરોપી રવિભાઈ તથા વિશાલભાઈએ ફરિયાદી હરેશભાઈને લખધીરપુર ગામની પ્રથમીમ શાળાના ગેઇટ પાસે બોલાવી, બળજબરીથી સ્વીફટ ગાડીમા અપહરણ કરી લઈ જઈ હરેશભાઈને શરીરે મુંઢ ઈજાઓ કરી,ભુંડા બોલી ગાળો આપી,જાનથી મારી નાખવાની ધમકી આપી હતી. જે મુજબની ફરિયાદને આધારે બી ડિવિઝન પોલીસે ટર્સનેય આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે.
