MORBI:મોરબી તાલુકા પોલીસે 11 મહિનાથી નાસતા ફરતા આરોપીને ઝડપી પાડ્યો
મોરબી, તા. 17 ઓગસ્ટ 2026: મોરબી તાલુકા પોલીસ સ્ટેશન વિસ્તારમાં નોંધાયેલા મિલકત સંબંધિત તથા અનડિટેક્ટ મિલકત સંબંધિત ગુનાઓમાં નાસતા-ફરતા આરોપીઓને ઝડપી પાડવા પોલીસ તંત્ર દ્વારા ખાસ કામગીરી હાથ ધરવામાં આવી રહી છે. પોલીસ મહાનિરીક્ષક તથા મોરબી જિલ્લા પોલીસ અધિક્ષકના માર્ગદર્શન હેઠળ મોરબી તાલુકા પોલીસે છેલ્લા 11 મહિનાથી નાસતા ફરતા એક આરોપીને ઝડપી પાડવામાં સફળતા મેળવી છે.
પોલીસના જણાવ્યા મુજબ મોરબી તાલુકા પોલીસ સ્ટેશનના બે અલગ-અલગ ગુનાઓમાં આરોપી રણજીતસિંહ મેવાસિંહ રાવત, જાતે રાજપૂત, ઉંમર આશરે 29 વર્ષ, મૂળ રાજમલપુરા, માલકડીયા બાડીયા, થાણા સૈંડા, તા. રાયપુર, જી. વ્યાવર (પાલી), રાજસ્થાનનો રહેવાસી હોવાનું નોંધાયું હતું. આરોપી છેલ્લા ઘણા સમયથી પોલીસની પકડથી દૂર રહી નાસતો ફરતો હતો.
આરોપી ની શોધખોળ દરમિયાન મોરબી તાલુકા પોલીસને બાતમી મળી હતી કે આરોપી લક્ષ્મીનગર ગામના બસ સ્ટેન્ડ પાસે હોવાની શક્યતા છે. મળેલી હકીકતના આધારે પોલીસે સ્થળ પર કાર્યવાહી કરી આરોપીને ઝડપી પાડ્યો હતો. પોલીસે આરોપીની ધરપકડ કરી આગળની કાયદેસરની કાર્યવાહી હાથ ધરી છે. આ કામગીરીમાં પોલીસ ઇન્સ્પેક્ટર એન.એસ. ઘેટિયા, પોલીસ સબ-ઇન્સ્પેક્ટર સી.એસ. સોદરવા સહિત સર્વેલન્સ સ્ટાફ જોડાયો હતો.
વિશ્લેષણ: મિલકત સંબંધિત અને લાંબા સમયથી વણઉકેલાયેલા ગુનાઓના આરોપીઓને શોધી કાઢવા પોલીસ દ્વારા હાથ ધરાતી આવી કામગીરીથી ગુનાખોરી સામે પોલીસની સતત નજર હોવાનો સંદેશ જાય છે. ખાસ કરીને અન્ય જિલ્લામાં કે રાજ્યમાં સ્થળાંતર કરી પોલીસ થી બચવાનો પ્રયાસ કરતા આરોપીઓને ટેક્નિકલ સર્વેલન્સ અને બાતમીદારોના નેટવર્કના આધારે ઝડપી પાડવાની કામગીરી પોલીસ તપાસ માટે મહત્વપૂર્ણ બની રહે છે.
