MORBI:મોરબીમાં શ્રાવણ માસ જુગાર પર પોલીસની સર્જિકલ સ્ટ્રાઈક! વિરાટ-૨ કોમ્પ્લેક્સમાંથી ૮ જુગારીઓ ઝડપાયા
MORBI:મોરબીમાં શ્રાવણ માસ જુગાર પર પોલીસની સર્જિકલ સ્ટ્રાઈક! વિરાટ-૨ કોમ્પ્લેક્સમાંથી ૮ જુગારીઓ ઝડપાયા
પવિત્ર શ્રાવણ માસની શરૂઆત થતાં જ એક તરફ ધાર્મિક માહોલ જામ્યો છે, તો બીજી તરફ ગેરકાયદેસર જુગારની પ્રવૃત્તિઓ ડામવા મોરબી પોલીસ સંપૂર્ણ એલર્ટ મોડમાં આવી ગઈ છે. મોરબી શહેર એ ડિવિઝન પોલીસ સ્ટેશન વિસ્તારમાં આવેલ વિરાટ-૨ કોમ્પ્લેક્સમાં એલસીબી (LCB) અને પેરોલ ફ્લો સ્કવોડે સફળ દરોડો પાડી તીનપત્તીનો જુગાર રમતા ૮ શખ્સોને ઝડપી પાડ્યા છે.
મળતી બાતમી મુજબ, સ્કાયમોલ નજીક આવેલા વિરાટ-૨ કોમ્પ્લેક્સના પ્રથમ માળે એક ઓફિસમાં બહારથી માણસો બોલાવી પૈસાની હારજીતનો જુગાર રમાડવામાં આવતો હતો. એલસીબીની ટીમે આ ચોક્કસ બાતમીના આધારે દરોડો પાડતા સ્થળ પરથી આઠ વ્યક્તિઓ જુગાર રમતા રંગેહાથ પકડાઈ ગયા હતા.
રૂ. ૩.૪૫ લાખનો મુદ્દામાલ કબજેપોલીસે દરોડા દરમિયાન સ્થળ પરથી નીચે મુજબનો મુદ્દામાલ જપ્ત કર્યો છે:રોકડ રકમ: રૂ. ૨,૭૦,૫૦૦/-મોબાઇલ ફોન: ૮ નંગ (કિંમત રૂ. ૭૫,૦૦૦/-)અન્ય સામગ્રી: ૫૨ ગંજીપત્તાના પાના કુલ મુદ્દામાલ: રૂ. ૩,૪૫,૫૦૦/-ઝડપાયેલા આરોપીઓ ૧. સુપ્રતભાઈ ત્રિભુવનભાઈ પટેલ ૨. નિશીતભાઈ ધર્મેન્દ્રભાઈ રાજપરા ૩. અક્ષયભાઈ જયંતીભાઈ વડસોલા ૪. ભાવેશભાઈ રમેશભાઈ અગોલા ૫. હાર્દિકભાઈ કાંતિભાઈ સંઘાણી ૬. યશભાઈ રમેશભાઈ કાજીયા ૭. સંદીપભાઈ દિનેશભાઈ લોરિયા ૮. કપિલભાઈ નરસીભાઈ ધુમલિયા
સરહદી રેન્જ ભુજ પોલીસ મહાનિરીક્ષક અને મોરબી પોલીસ અધિક્ષકની સૂચના અનુસાર પ્રોહિબિશન અને જુગારની પ્રવૃત્તિઓ સંપૂર્ણ નાબૂદ કરવા એલસીબી સક્રિય થઈ છે. આ મામલે મોરબી સિટી એ ડિવિઝન પોલીસ સ્ટેશનમાં જુગારધારા કલમ ૪ અને ૫ મુજબ ગુનો નોંધી કાયદેસરની કાર્યવાહી હાથ ધરવામાં આવી છે. પોલીસની આ ત્વરિત અને સખત કાર્યવાહીથી જુગારીઓમાં ભારે ફફડાટ વ્યાપી ગયો છે.
