હાલોલ રૂલર પોલીસે આંબા તળાવ ગામેથી 2.17 લાખના વિદેશી દારૂના જથ્થા સાથે એક ને ઝડપી પાડ્યો
રિપોર્ટર. કાદિર દાઢી.હાલોલ
તા.૮.૮.૨૦૨૪
હાલોલ રૂરલ પોલીસે હાલોલ તાલુકાના આંબા તળાવ ગામેથી 2.17 લાખના ભારતીય બનાવટના વિદેશી દારૂના જથ્થા સાથે એક ને ઝડપી પાડ્યો હતો. પ્રાપ્ત વિગતો અનુસાર ગત રાત્રીએ હાલોલ રૂરલ પોલીસ પેટ્રોલિંગ માં હતી દરમ્યાન હાલોલ રૂરલ પોલીસ મથક ના પીઆઇ આર.એ.જાડેજા ને ખાનગી બાતમીદારો દ્વારા પાક્કી બાતમી મળી હતી કે હાલોલ તાલુકાના આંબા તળાવ ગામે રહેતા પ્રવિણસિંહ ઉર્ફે પરીયો ચીમનસિંહ સોલંકી ભારતીય બનાવટના વિદેશી દારૂના જથ્થો ઈક્કો ગાડીમાં ભરી લાવી દારૂનો વેપલો કરતો હોવાની બાતમી ના આધારે પોલીસ ટીમ બનાવી મોડી રાત્રીએ બાતમી વાળી જગ્યા એ છાપો મારતા પ્રવીણ સોલંકી ના ઘરની બહાર ઉભેલી ઈક્કો માં તપાસ કરતા 2,17,700/- લાખના ભારતીય બનાવટના જુદી જુદી બ્રાન્ડ નો વિદેશી દારૂના જથ્થો મળી આવતા પોલીસે 2,17,700/- લાખ નો દારૂ 2,50,000/- લાખની ઈક્કો ગાડી સહીત કુલ 4,67,700/- મુદ્દા માલ કબ્જે કરી પ્રવિણસિંહ ઉર્ફે પરીયો ચીમનસિંહ સોલંકીને ઝડપી તેની સામે પ્રોહિબિશન હેઠળ ગુનો નોંધી કાયદેસરની કાર્યવાહી હાથધરી છે.
