વોટસએપ ગ્રુપમાં માતાજી વિરુદ્ધ હલકી ટિપ્પણી કરનાર સામે કાલોલ પોલીસ મથકે ગુનો દાખલ
તારીખ ૦૬/૧૦/૨૦૨૪
સાજીદ વાઘેલા કાલોલ
કાલોલના હિંદુ સમાજ દ્વારા વોટસએપ ગ્રુપમાં માતાજી વિરુદ્ધ હલકી કક્ષાની ટિપ્પણી કરનાર સામે કાયદેસર કાર્યવાહી કરવા પોલીસ મથકે અરજી આપી હતી અને ત્યારબાદ કાલોલ મામલતદારને આવેદનપત્ર આપવામાં આવ્યુ હતુ. સમાજમાં સમરસતા અને શાંતિ ભંગ કરવાની સમાજ અને રાષ્ટ્ર દ્રોહી લોકો દ્વારા જે હિન્દૂ સંસ્કૃતીનો દુષપ્રચાર કરવામાં આવે છે. તેમજ આવરનવાર હિંદુઓને જ ટાર્ગેટ કરીને બદનામ કરવામાં આવે છે તે હવે હિન્દૂ સમાજ ચલાવી લેશે નહિ અને આ લોકો વિરુદ્ધ કડકમાં કડક કાર્યવાહી થાય તે હેતુ થી હિન્દૂ સંગઠનોમાં રોષ જાગતા વિશ્વ હિન્દૂ પરિષદ બજરંગ દળ અને અન્ય સામાજિક સંગઠનોએ ભેગા થઈને લેખિતમાં કાલોલ પોલીસ મથકે અરજી આપી હતી જે બાબતે કાલોલ પોલીસ દ્વારા શનિવારે સાંજના સુમારે મોબાઈલ ધારક ૮૯૮૦૮૮૯૯૧૬ ના ધારક સામે હિંદુ ધર્મ ની દેવી મા દુર્ગા વિષે અભદ્ર ટિપ્પણી કરી આ મેસેજથી હિંદુ ધર્મની લાગણી દુભાવી હિંદુ ધર્મની આસ્થાને ઠેસ પહોંચાડી હોય બીએનએસ કલમ ૧૯૬(૧) એ ની અને ૨૯૯ મુજબ ગુનો દાખલ કરી આગળની કાર્યવાહી હાથ ધરી છે.
