TANKARA:ટંકારામાં છેતરપિંડીના ગુનામાં સંડોવાયેલ ઈસમને પેરોલ ફર્લો સ્ક્વોડે ઝડપી લીઘો
TANKARA:ટંકારામાં છેતરપિંડીના ગુનામાં સંડોવાયેલ ઈસમને પેરોલ ફર્લો સ્ક્વોડે ઝડપી લીઘો
મોરબી પેરોલ ફર્લો સ્ક્વોડે ટંકારા પોલીસ મથકમાં નોંધાયેલ છેતરપિંડીના ગુનામાં દસ વર્ષથી નાસતા ફરતા આરોપી એવા રાજસ્થાની શખ્સને બનાસકાંઠા જીલ્લામાંથી ઝડપી લઈ હસ્તગત કરી આગળની કાયદેસરની કાર્યવાહી માટે ટંકારા પોલીસ મથકમાં સોંપવા તજવીજ હાથ ધરી છે.
મોરબી પેરોલ ફર્લો સ્કવોડના એ.એસ.આઇ. રામભાઇ મંઢ, જયવંતસિંહ ગોહિલ, વિક્રમસિંહ બોરાણા, હેડ કોન્સ. દશરથસિંહ ચાવડાને ખાનગીરાહે હકિકત મળેલ કે, ટંકારા પોલીસ મથકમાં વર્ષ ૨૦૧૪માં નોંધાયેલ વિશ્વાસઘાત છેતરપિંડીના ગુનામાં છેલ્લા ૧૦ વર્ષથી નાસતો ફરતો આરોપી રાજકુમાર રામનિવાસ જાટ રહે.રાજસ્થાનવાળો હાલે બનાસકાંઠા જીલ્લાના દિયોદર જેતડા રોડ એ.પી.એમ.સી. નવી માર્કેટીંગ યાર્ડમાં હોવાની ચોકકસ હકિકત મળતા તુરંત પેરોલ ફર્લો સ્ક્વોડ ટીમ બનાવી ત્યાં તપાસ કરતા આરોપી રાજકુમાર રામનિવાસ નેતરામ જાજડીયા ઉવ.૩૫ રહે.ગોવર્ધન પુરા, જોધીકી ઢાણી તા.બુહાના રાજસ્થાનવાળો મળી આવતા તેને હસ્તગત કરી મોરબી એલ.સી.બી. કચેરી લાવી આગળની કાર્યવાહી અર્થે ટંકારા પોલીસ મથકમાં સોપવા કાર્યવાહી હાથ ઘરેલ છે.
