હાલોલ:ઈસ્લામીક નોલેજ સ્પર્ધાનો ઈનામ વિતરણ અને સર્ટિફિકેટ આપી સમ્માન કાર્યક્મ હૈદરી ચોક ખાતે યોજયો,ઈસ્લામીક તાલીમ સ્પર્ધામાં ભાગ લેનારને ઇનામ આપી પ્રોત્સાહિત કર્યા
રિપોર્ટર. કાદિર દાઢી.હાલોલ
તા.૨૧.૭.૨૦૨૪
આજનાં મોબાઈલના યુગમાં જયાં બાળકો પોતાનો સમય વધુ પડતા મોબાઈલ જોવામાં વેળફે છે તેવા સંજોગોમાં તે બાળકોને ઈસ્લામીક બુનિયાદી તાલીમ મળે અને તે બાળકો ઇસ્લામ/દીન બાબતે સમજ કેળવે, તે સંદર્ભે તેની કસોટીનાં ભાગરૂપે હાલોલ મુસ્લીમ સોસાયટી ગૂપ દ્રારા ઈસ્લામીક તાલીમ સ્પર્ધા રાખવામાં આવેલ હતી જેમાં ગત વર્ષની જેમ આ વર્ષ પણ ધોરણ – ૪ થી ૬ અને ધોરણ – ૭ થી ૧૦ નાં બાળકોને ઈસ્લામીક તાલીમ સ્પર્ધામાં હાલોલનાં વિવિધ વિસ્તારો અને બાસ્કામાંથી આશરે ૩૯૫ બાળકોએ ઇસ્લામીક તાલીમ સ્પર્ધામાં ઉત્સાહભેર ભાગ લીધો હતો.આ ઈસ્લામીક તાલીમ સ્પર્ધા થયા બાદ હવે આ બાળકોની પરીક્ષાનું પરીણામ અને ઈનામ વિતરણ કાર્યક્રમ હાલોલ પાવાગઢ રોડ પર આવેલ હૈદરી ચોક ખાતે યોજવામાં આવ્યો હતો.જેમાં મોટા પ્રમાણમાં ભાગ લેનાર બાળકો,વાલીઓ, યુવાઓ, સ્થાનીક રહીશો અને શિક્ષણમાં રસ ધરાવતા આગેવાનોએ હાજરી આપી બાળકોનો ઉત્સાહ વધાયો હતો. જેમાં પ્રથમ આવનાર ૫૧૦૦ ઇનામ અને સર્ટિફિકેટ દ્રિતીય આવનાર ૩૧૦૦ ઇનામ અને સર્ટિફિકેટ તૃતીય આવનાર ૨૧૦૦ ઇનામ અને સર્ટિફિકેટ અને ૪ થી ૫૦ માં વધુ માર્ક્સ લાવનારને ૫૦૦ ઇનામ ની સાથે સર્ટિફિકેટ આપી સમ્માનિત કર્યા હતા.હાલોલ મુસ્લિમ સોસાયટી ગ્રુપ દીની અને દુન્વયી શિક્ષણ માટે ચિંતીત છે અને નાના મોટા જાગૃતિના કાર્યક્મો દ્વારા બાળકો અને વાલીઓ સાથે છેલ્લા ૨ વર્ષથી જોડાયેલા છે અને આવનાર સમયમાં હાલોલમાં લઘુમતીની શાળા માટે પણ તેઓના પ્રયાસો ચાલુ છે.સતત ત્રીજા ઇસ્લામિક સ્પર્ધા કાર્યક્મ ને સફળ બનાવવા મહેનત કરનાર ઉલામાઓ, યુવાઓ, વાલીઓ, અને મુસ્લિમ સોસાયટી ગ્રુપમાં જોડાયેલા તમામ સદસ્યોનો આભાર વ્યક્ત કર્યો હતો.
