તા.૦૨.૦૩.૨૦૨૫
વાત્સલ્યમ્ સમાચાર
અજય સાંસી દાહોદ
Dahod:દાહોદના તળાવ ફળીયા ભીલવાડામાં રોડના બાકી રહેલા કાચા પાકા મકાનોના દબાણો નગરપાલિકા દ્રારા દૂર કરવામાં આવ્યા પોલીસ ચુસ્ત બંદોબસ્ત સાથે દબાણની પક્રિયા હાથ ધરવામાં આવી
દાહોદ શહેરમાં ભીલવાડા વિસ્તારમાં સ્માર્ટ સીટી રોડ અંતર્ગત રસ્તા પહોંળા કરવાની કામગીરી ને લઈ આજરોજ વહેલી સવારે દાહોદ નગરપાલિકાના ચીફ ઓફિસર તેમજ પાલિકાના અન્ય કર્મચારીઓ ચુસ્ત પોલીસ બંદોબસ્ત વચ્ચે આ વિસ્તારના અંદાજે ૩૫તી વધુ ગેરકાયદેસર દબાણો ઉપર બુલડોઝર ફેરવી દેવામાં આવ્યું છે. ગેરકાયદેસર દબાણો દુર કરવાની તંત્રની કામગીરીને પગલે શહેરના અન્ય ગેરકાયદેસર દબાણકર્તાઓમાં ફફડાટ ફેલાઈ જવા પામ્યો છે
દાહોદ શહેરમાં પુનઃ ફરીએકવાર દાહોદ શહેરમાં સ્માર્ટ સીટી અંતર્ગત રસ્તા પહોંળા કરવાની કામગીરી અંતર્ગત દાહોદ શહેરના ભીલવાડા વિસ્તારમાં પાલિકાની તંત્ર ટીમે પોલીસની મદદથી વિસ્તારમાં બુલડોઝર સાથે ધામા નાંખ્યાં હતાં. દાહોદ નગરપાલિકા ચીફ ઓફિસર સહિત પાલિકાના કર્મચારીઓ બુલડોઝર લઈ ભીલવાડા વિસ્તારમાં પહોંચી જઈ અંદાજે ૩૫તી વધુ કાચા,પાકા મકાનો પર બુલડોઝર ફેરવી દેવામાં આવ્યું હતું. જાણવા મળ્યાં અનુસાર, પાલિકા દ્વારા આ વિસ્તારના ગેરકાયદેસર દબાણોને દુર કરવા માટે અગાઉ નોટીસો ફટકારવામાં આવી હતી. અને નોટીસો મળ્યાંને પણ આ વિસ્તારના રહીશો દ્વારા પોતપોતાના દબાણો સ્વૈચ્છાએ દુર ન કરતાં આખરે પાલિકા તંત્ર દ્વારા આજરોજ વહેલી સવારે બુલડોઝર લઈ રવાના થયું હતું અને જાેતજાેતામાં કાચા, પાકા ગેરકાયદેસર દબાણો પર બુલડોઝર ફેરવી દીધું હતું. આ કાચા,પાકા ગેરકાયદેસર દબાણોમાં મકાનો, દુકાનો સહિત મીલક્તનો સમાવેશ થાય છે. ત્યારે આજરોજ વહેલી સવારની આ પાલિકાની કામગીરીને પગલે વિસ્તારમાં સ્તબ્ધતા મચી જવા પામી હતી. લોકો પોતપાતાના ઘર, દુકાનનો સરસામાન બહાર કાઢવાની કામગીરીમાં પણ જાેતરાઈ ગયાં હતાં. ત્યારે આ કામગીરીને પગલે ભીલવાડા વિસ્તારના રહીશોમાં ભારે આક્રોશ પણ જાેવા મળ્યાં હતો
