વૃધ્ધ સહાય યોજનાના લાભાર્થીઓએ આધારકાર્ડ તથા મોબાઇલ નંબર અપડેટ/લીંક કરાવવા બાબત

વાત્સલ્યમ્ સમાચાર

સુરેશકુમાર ભરાડા-હિંમતનગર

વૃધ્ધ સહાય યોજનાના લાભાર્થીઓએ આધારકાર્ડ તથા મોબાઇલ નંબર અપડેટ/લીંક કરાવવા બાબત

ઇન્દિરા ગાંધી રાષ્ટ્રીય વૃઘ્ઘ પેન્શન યોજના તથા નિરાધાર વૃઘ્ઘ સહાય યોજનાના લાભાર્થીઓ દર માસે રૂા.૧૦૦૦/- ની સહાય મળે છે. સરકારશ્રી ઘ્વારા યોજનાની પારદર્શિતા માટે હાલમાં આધાર બેઇઝડ પેમેન્ટ શરૂ કરવામાં આવેલ છે. આથી આ યોજના હેઠળ લાભ મેળવતા લાભાર્થીઓને અનુરોધ કરવામાં આવે છે કે, જેમણે આધારકાર્ડ અને મોબાઇલ નંબર અપડેટ/લીંક ન કરાવેલ હોય તો સાત દિવસમાં નજીકની મામલતદાર કચેરીએ સમાજ સુરક્ષાની કામગીરી સંભાળતા કર્મચારીને મોબાઇલ નંબર તથા આધારકાર્ડ અપડેટ કરાવવાનુ રહેશે. જે લાભાર્થીઓના આધાર કાર્ડ/મોબાઇલ નંબર અપડેટ કરાવેલ ન હોય તેવા લાભાર્થીઓની સહાય સ્થગિત થવાની શક્યતા છે. તેમ અધિક ચીટનીશ ટુ કલેક્ટરની એક અખબારી યાદીમાં જણાવાયું છે.