કાલોલ બસ સ્ટેશન સામે ગટર ઉભરાઈ ટોલ કમ્પની દ્વારા તાકીદે સમારકામ કરવામાં આવ્યુ. ગટરમાં લાઈન આપનાર બે દુકાનદારોને નોટિસ ફટકારી.
તારીખ ૨૩/૦૩/૨૦૨૬
સાજીદ વાઘેલા કાલોલ
કાલોલ બસ સ્ટેશન સામે હાઈવે ઉપર ગટર એકાએક ઉભરાતા ગંદા પાણી દુકાનોની આસપાસ ફરી વળ્યા હતા અને તીવ્ર દુર્ગંધ મારતી ગંદકી ને કારણે દુકાનદારો ને દુકાન પર બેસવું મુશ્કેલ બની ગયું હતું આજ રોજ સવારે એક દુકાનદાર પોતાનું વાહન પાર્ક કરતા હતા ત્યારે ગંદા પાણીમાં પડી જતા પગ ના ભાગે સામાન્ય ઈજાઓ પહોંચી હતી. ટોલ કમ્પની નો સંપર્ક કરતા તાકીદે પોતાનું જેસીબી મોકલતા ગંદા પાણી નો નિકાલ થયો હતો મળતી માહિતી મુજબ બસ સ્ટેશન વિસ્તારના બે વેપારીઓએ પોતાની દુકાન ની ગંદા પાણી ની લાઈન હાઈવે ની ગટર માં બારોબાર આપી દેતા ટોલ કમ્પની દ્વારા બન્ને વેપારીઓને નોટિસ આપી હોવાનું જાણવા મળ્યુ છે. સરેઆમ હાઈવે ઉપર ગંદા પાણી નું તળાવ ભરાઈ જતા અવરજવર કરતા વાહન ચાલકો પણ પોતાના નાક આડે રૂમાલ મુકી પસાર થતા જોવાં મળ્યા હતા. ટોલ કમ્પની ના અધિકૃત અધિકારી દ્વારા તાત્કાલિક સફાઈ કામગીરી શરૂ કરી જવાબદાર સામે કાર્યવાહી શરૂ કરવામાં આવી અને ગટરમાં ગેરકાયદેસર રીતે જોડેલ જોડેલ લાઈન નુ મુળ શોધવાની કવાયત શરૂ કરી છે.
