શ્રી વિનય વિદ્યા મંદિર થરામા કાંકરેજ-ઓગડ તાલુકા કક્ષાનો કલા મહોત્સવ યોજાયો.
શ્રી વિનય વિદ્યા મંદિરમા કાંકરેજ અને ઓગડ તાલુકા કક્ષાનો કલા મહોત્સવ સંસ્થાના પ્રમુખ અણદાભાઈ પટેલના માર્ગદર્શન હેઠળ
શ્રી વિનય વિદ્યા મંદિર થરામા કાંકરેજ-ઓગડ તાલુકા કક્ષાનો કલા મહોત્સવ યોજાયો.
કાંકરેજ તાલુકાના મુખ્ય મથક થરા ખાતે આવેલ શ્રી વિનય વિદ્યા મંદિરમા કાંકરેજ અને ઓગડ તાલુકા કક્ષાનો કલા મહોત્સવ સંસ્થાના પ્રમુખ અણદાભાઈ પટેલના માર્ગદર્શન હેઠળ શાળાના ઉત્સાહી આચાર્ય હરેશભાઈ ચૌધરીની ઉપસ્થિતિમા ૨૮ મી નવેમ્બર ૨૦૨૫ ને શુક્રવારના રોજ સવારે યોજાયો હતો.બાલિકાઓએ સ્વાગત ગીત દ્વારા મહેમાનોનું સ્વાગત કરી શાળાના આચાર્ય હરેશભાઈ ચૌધરીએ દરેક શિક્ષકોનું શાલ ઓઢાડી સન્માન કર્યું હતું.શ્રી વિનય વિદ્યા મંદિર થરા,ગાયત્રી વિદ્યાલય કંબોઈ, ઉણ હાઈસ્કૂલ, મોડેલ સ્કૂલ રતનપુરા,સરકારી શાળા દુદાસણ સહિત કાંકરેજ-ઓગડ તાલુકાની અલગ અલગ શાળાઓના વિધાર્થીઓએ ઉત્સાહભેર ભાગ લઈ ગાયન,વાદન,ચિત્ર સર્જન, કાવ્ય સર્જન જેવી સ્પર્ધાઓનું આયોજન કરી વિદ્યાર્થીઓએ પોતાની કલાનું પ્રદર્શન કર્યું હતું. QDC કક્ષાએ પ્રથમ નંબર મેળવનાર કુલ ૨૪ વિદ્યાર્થીઓએ SVS (શાળા વિકાસ સંકુલ) કક્ષાએ ભાગ લીધો હતો.સમગ્ર કાર્યક્રમનું સફળ સંચાલન શાળાના શિક્ષક ભરતભાઈ લીમ્બાચીયાએ કર્યું હતું.કલા મહોત્સવમાં પ્રથમ,દ્વિતીય અને તૃતીય નંબર પ્રાપ્ત કરનાર વિદ્યાર્થીઓને આચાર્ય દ્વારા પ્રમાણપત્રો એનાયત કરવામાં આવ્યા હતા.આ વિદ્યાર્થીઓ જિલ્લા કક્ષાએ ભાગ લેવા જશે. ગાયન સ્પર્ધામાં શ્રી વિનય વિદ્યા મંદિર ધોરણ ૧૨ ની વિદ્યાર્થીની ઠાકોર જયશ્રી રતનસિંહે પ્રથમ સ્થાન પ્રાપ્ત કર્યું હતું.
નટવર કે. પ્રજાપતિ, થરા
મો. 99795 21530
