સૃષ્ટિ સંસ્થા દ્વારા વીસરાતી વાનગીઓની વિશિષ્ટ હરીફાઈનું આયોજન.50 મહિલાઓએ સરળ,સ્વાદિષ્ટ અને પૌષ્ટિક વાનગીઓ રજું કરી.
તારીખ ૨૬/૧૨/૨૦૨૫
સાજીદ વાઘેલા કાલોલ
વીસરાઈ રહેલી વાનગીઓને પુનઃ લોકભોગ્ય બનાવવાના ખાસ હેતુથી આ હરીફાઈ સૃષ્ટિ સંસ્થા ખાતે ગતરોજ 25 ડીસેમ્બર 2025 ના રોજ બેથી ચારનાં સમય ગાળામાં યોજાઇ હતી જેમાં સામાન્ય રીતે રોજબરોજના જીવનમાં આપણે ઘઉં ચોખા અને મકાઈથી વિશેષ કોઈ અનાજ ખાતા નથી! ત્યારે આ હરીફાઈમાં 50 મહિલાઓએ મિલેટ, અપ્રચલિત ભાજીઓનો ઉપયોગ કરી વિશિષ્ટ ફૂડ ફોર્મ્યુલેશન દ્વારા વિશિષ્ટ વાનગીઓ રજૂ કરીને બહેનોએ પોતાની વાનગી કૌશલ્ય અને આંખ ને ગમે તેવા વિશિષ્ટ સુશોભન સાથે વાનગીઓની હરીફાઈમાં ભાગ લીધો હતો.
આ પ્રસંગે પદ્મશ્રી પ્રોફેસર અનિલ ગુપ્તા એ ઉપસ્થિત રહી બહેનોને પોષ્ટિક અને ઔષધીય ગુણોથી ભરપૂર વાનગીઓ માટે સરાહના કરી. આ વાનગીઓ રોજિંદા જીવનમાં પણ સ્થાન પામે, અને હોટલ રેસ્ટોરન્ટના મેનૂ માં સ્થાન પામે એવી અપેક્ષા રાખી. આ ફૂડ ઇનોવેશન માંથી એન્ટ્રોપ્રિનિયર બને એ માટે પ્રોત્સાહન પૂરું પાડ્યું હતું જ્યાં વીસરાતી વાનગીઓની હરિફાઈમાં નીચે મુજબ ની વાનગીઓ જોવા મળી. જેમાં બાજરીની ઉપમા, પાલકનો હલવો, મલાઈ મહેસુબ, સાંગરીનું શાક, અઘેડાની ખીર, કોળાના લાડુ, આપામાર્ગની ખીર, કોળા ની ચટપટી, શક્કરિયાના ઘાઘરે, પિઠોરી ખીર, ડોડીની કઢી, મહુડાના લાડુ, ખજૂર રબડી – માલપુવા, બાજરીના સરમલા, કળથીની પુરણપોળી, લુણીની ભાજીના મુઠીયા, રાગીના બાફલા, રાગી ગાજર મફિન્સ,ઓટ્સ પોરિજ, કાંગની ચીકી, સુવાની ભાજીનું ઊંધિયું, બાજરીનું હલવાસન, રાગી જુવારની સ્ટીમ કેક, ગરમાળાનો ગુલકંદ, કીનાવાના ચિલ્લા, ઉમરાની કઢી, સોપારી પાક, ઝવરું, રાજસ્થાની ઘાટ – પીણું, બાજરી પનયારામ, લીલા ચણાનું સૂપ જેવી વાનગીઓ રજૂ થઈ હતી.આ હરીફાઈના જજ / તજજ્ઞ તરીકે એમ.એસ.યુનિવર્સિટી, વડોદરાથી (1) ડૉ.સ્વાતી ધ્રુવ (2) ડૉ. શ્વેતા પટેલ (3) ડૉ. શ્રૃતિ કાંટાવાલા ઉપસ્થિત રહ્યા હતા.આ ઉપરાંત એસ.એમ.પટેલ કોલેજ ઑફ હોમ સાયન્સ, આણંદથી જજ તરીકે ડૉ. મીનલ ચૌહાણ અને ડૉ. વંદના મોદી એ ઉપસ્થિત રહી વાનગીઓનું મૂલ્યાંકન કર્યું હતું.અત્રે ઉલ્લેખનીય છેકે આવી વાનગી સાત્વિક ફૂડ ફેસ્ટિવલમાં સોલા ભાગવત વિદ્યાપીઠ પરિસરમાં તારીખ ૨૭ થી ૩૧ ડિસેમ્બર દરમ્યાન ૧૧થી રાત્રીના ૯ સુધી શહેરીજનો માણી શકશે. વિસરાતી વાનગીઓના ૭૦ સ્ટોલમાં ૪૫૦ થી વધુ વાનગીઓનું જમણ અહીં પીરસવામાં આવશે.
