સુરેન્દ્રનગર નેત્રમ પોલીસ ટીમે ગુમ થયેલ કારની ચાવી પરત અપાવી

તા.28/08/2025/બાવળિયા ઉમેશભાઈ સુરેન્દ્રનગર
સુરેન્દ્રનગર જીલ્લા પોલીસ અધિક્ષક પ્રેમસુખ ડેલુ તથા નાયબ પોલીસ અધિક્ષક પાર્થ પરમાર પોલીસ મુખ્ય મથક સુરેન્દ્રનગર નાઓના માર્ગદર્શન હેઠળ તથા ડી. એલ. ઝેઝરીયા પીએસઆઇ નેત્રમ સુરેન્દ્રનગર નાઓની સુચનાથી તેરા તુજકો અર્પણ અભિયાન અંતર્ગત કોઇ જાહેર જનતાની કોઇ કિંમતી ચીજ વસ્તુ જેવી કે, સોના-ચાંદીના દાગીના, રોકડ રૂપિયા,પર્સ ખોવાઇ કે ગુમ થઈ જાય ત્યારે નેત્રમ સુરેન્દ્રનગર ના સીસીટીવીની મદદથી વેરીફાઇ કરી પરત કરવા સુચના થયેલ જેથી તા.૨૭/૦૮/૨૦૨૫ ના રોજ દિવ્યરાજસિંહ બાપાલાલ રાણા, રહે, ઝાપોદડ લખતર સુરેન્દ્રનગર વાળા શેખપર ગામથી સુરેન્દ્રનગર ટાવર સુધી રીક્ષામાં બેસી આવતા પોતાની અર્ટીગા ફોર-વ્હીલર ગાડીની ચાવી રીક્ષામાં ગુમ થયેલ હોવાની શંકા હોય જે બાબતે અરજદારની ફોર-વ્હીલર ગાડીની ચાવી ક્યાં ગુમ થયેલ છે તે અંગે અત્રેના સીસીટીવી કેમેરાના ચેક કરી રીક્ષાનો રજી.નં મેળવી વેરીફાઇ કરી મુળ માલીક દિવ્યરાજસિંહ બાપાલાલ રાણા નાઓને પોતાની ફોર-વ્હીલર ગાડીની ચાવી પરત કરી પ્રસંશનીય કામગીરી કરેલ છે.



