સુરેન્દ્રનગર જિલ્લામાં મતદાર યાદીની ખાસ સઘન સુધારણા ઝુંબેશ
જિલ્લામાં તમામ મતદાન મથકોમાં સમાવિષ્ટ તમામ મતદારોની ખરાઈ ૦૪ નવેમ્બરથી શરૂ થશે
તા.31/10/2025/
બાવળિયા ઉમેશભાઈ સુરેન્દ્રનગર
જિલ્લામાં તમામ મતદાન મથકોમાં સમાવિષ્ટ તમામ મતદારોની ખરાઈ ૦૪ નવેમ્બરથી શરૂ થશે, ભારતના ચૂંટણી પંચે ગુજરાત સહિત કુલ ૧૨ રાજ્યો/કેન્દ્રશાસિત પ્રદેશો માટે મતદાર યાદીની ખાસ સઘન સુધારણા ઝુંબેશ (Special intensive revision – SIR)નું સમય પત્રક જાહેર કર્યું છે જે અંતર્ગત નાયબ જિલ્લા ચૂંટણી અધિકારી સુદીપ વાલાણીના અધ્યક્ષસ્થાને કલેકટર કચેરી ખાતે વિવિધ રાજકીય પાર્ટીના પ્રતિનિધિઓ સાથે એક બેઠક યોજાઈ હતી આ બેઠકમાં નાયબ જિલ્લા ચૂંટણી અધિકારીએ વિવિધ રાજકીય પક્ષના પ્રતિનિધિઓને મતદાર યાદીની ખાસ સઘન સુધારણા ઝુંબેશ (Special intensive revision – SIR) બાબતે જાણકારી આપી હતી જેમાં SIRના વિવિધ તબક્કાઓ અનુસાર તા. ૦૪/૧૧/૨૦૨૫ થી ૦૪/૧૨/૨૦૨૫ દરમિયાન બૂથ લેવલ ઓફિસર્સ (BLO) ઘરે ઘરે ફરીને મતદારો પાસે એન્યુમરેશન ફોર્મ ભરાવશે ત્યારબાદ તા. ૯/૧૨/૨૦૨૫ના રોજ હંગામી મતદાર યાદી પ્રસિદ્ધ કરવામાં આવશે જેમાં તા. ૦૯/૧૨/૨૦૨૫ થી ૦૮/૦૧/૨૦૨૬ સુધી સુધારા માટેનો દાવો મતદારો કરી શકશે તારીખ ૦૯/૧૨/૨૦૨૫ થી ૩૧/૦૧/૨૦૨૬ સુધી દાવાઓની સુનાવણી તથા પ્રમાણિકરણ કરાશે આ સમગ્ર પ્રક્રિયાના અંતે તા. ૦૭/૦૨/૨૦૨૬ના રોજ આખરી મતદાર યાદી પ્રસિદ્ધ કરવામાં આવશે આખરી SIRની મતદાર યાદીમાં મતદારો તેમના નામ સહિતની વિગતો ચકાસી શકશે મતદાર તરીકે સમાવેશ માટે ભારતીય પાસપોર્ટ અને જન્મના પ્રમાણપત્ર સહિતના વિવિધ ૧૨ દસ્તાવેજો માન્ય ગણાશે મતદાર યાદીની ખાસ સઘન સુધારણાની આ પ્રક્રિયામાં મહિલાઓ, અશક્ત નાગરિકો, દિવ્યાંગો અને વડીલોને સુવિધા રહે તે હેતુથી સ્વયંસેવક જૂથોની મદદ પણ લેવામાં આવશે નાયબ જિલ્લા ચૂંટણી અધિકારીએ ઉપસ્થિતોને BLOની કામગીરીમાં સહયોગ આપવા પણ અપીલ કરી હતી આ ઉપરાંત જિલ્લામાં મતદાર યાદીની ખાસ સઘન સુધારણા ઝુંબેશ સરળતા પૂર્વક તથા ક્ષતિરહિત પરિપૂર્ણ થાય તે માટે તમામ માન્ય રાજકીય પક્ષોને જિલ્લા વહીવટી તંત્રને સહયોગ આપવા અપીલ કરવામાં આવી હતી આ બેઠકમાં ભારતીય જનતા પાર્ટી, ભારતીય રાષ્ટ્રીય કોંગ્રેસ, આમ આદમી પાર્ટી, બહુજન સમાજ પાર્ટીના પ્રતિનિધિઓ ઉપસ્થિત રહ્યા હતા.
