શહેરા નજીકથી વન વિભાગે ૪.૨૫ લાખનો લાકડા ભરેલો ટ્રક પકડ્યો
વગર પાસ-પરમિટના ઈમારતી લાકડાની હેરાફેરી ઝડપાઈ; એક ટ્રક કબજે
પંચમહાલ શહેરા
નિલેશભાઈ દરજી શહેરા 
શહેરા: પરીક્ષેત્ર વન અધિકારી આર.વી. પટેલ સાહેબની સૂચના અને માર્ગદર્શન હેઠળ શહેરા રેન્જ સ્ટાફે આજે પેટ્રોલિંગ દરમિયાન વગર પાસ-પરમિટથી લીલા તાજા પંચરાઉ ઈમારતી સીમળાના લાકડાની વાહતુક કરતો ટ્રક ઝડપી પાડ્યો હતો.
*પ્રાપ્ત માહિતી મુજબ*, શહેરાથી સાજીવાવ રોડ પર હોસાપુર ગામ પાસેથી ટ્રક નંબર GJ 06/ V 4303 ને અટકાવીને તપાસ કરવામાં આવતા તેમાંથી વગર મંજૂરીએ લઈ જવાતા લાકડા મળી આવ્યા હતા. વન વિભાગ દ્વારા લાકડા સહિત ટ્રકને કબજે લેવામાં આવ્યો છે.આશરે રૂપિયા ૪,૨૫,૦૦૦ (ચાર લાખ પચીસ હજાર) ની કિંમતનો મુદ્દામાલ સરકારી કબજે લેવામાં આવ્યો છે અને વધુ તપાસ માટે શહેરા રેન્જ કચેરીના કમ્પાઉન્ડ ખાતે મૂકવામાં આવેલ છે.
આ કામગીરીમાં પેટ્રોલિંગમાં હાજર રહેલ સ્ટાફમાં એસ.બી. માલીવાડ (રા.ફો., શહેરા), બી.એન. રાવલ (વન રક્ષક, શહેરા) અને વી.એમ. રાઠોડ (વન રક્ષક, સાજીવાવ) નો સમાવેશ થાય છે. વન વિભાગે ગેરકાયદેસર લાકડાની હેરાફેરી કરનારાઓ સામે કડક કાર્યવાહી હાથ ધરી છે.
