રિપોર્ટ : પુજા ઠક્કર, મુંદરા-કચ્છ.
સ્વચ્છતા જ સેવા: પ્રધાનમંત્રી ના જન્મદિવસ નિમિતે મુંદરા તાલુકામાં ગામતળ સફાઈ અભિયાન
મુંદરા : પ્રધાનમંત્રી શ્રી નરેન્દ્રભાઈ મોદીના જન્મદિવસ નિમિત્તે ઉજવાઈ રહેલા ‘સેવા પખવાડિયા’ અંતર્ગત મુંદરા તાલુકાના ગામોમાં સ્વચ્છતાનું એક મોટું અભિયાન શરૂ કરવામાં આવી રહ્યું છે. આ કાર્યક્રમ શ્રી સર્વ સેવા સંઘ (કચ્છ) ભુજ અને શ્રી કચ્છી વિસા ઓસવાળ જૈન મહાજન ભુજના સંયુક્ત ઉપક્રમે આયોજિત કરવામાં આવ્યો છે. આ સેવા કાર્યક્રમમાં ખાસ કરીને વરસાદી પાણી ભરાયા બાદ ગામતળમાં ફેલાતી ગંદકી અને રોગચાળાને અટકાવવાનો મુખ્ય ઉદ્દેશ છે, જેથી ગ્રામજનોનું સ્વાસ્થ્ય સુરક્ષિત રહી શકે.
આ સેવા કાર્યક્રમ અનશન વ્રતધારી જૈન સમાજ રત્ન મૂળ મોટા કાંડાગરાના અને હાલે ભુજ નિવાસી સ્વ. તારાચંદ જગશીભાઈ છેડા અને તેમના ધર્મપત્ની હંસાબેન તારાચંદભાઈ છેડાના સૌજન્યથી અને પ્રેરણાથી હાથ ધરવામાં આવ્યો છે. તેમનું આ ઉમદા કાર્ય સમાજ માટે પ્રેરણાદાયી છે.
આ અભિયાન દ્વારા પ્રધાનમંત્રી શ્રી નરેન્દ્રભાઈ મોદીના “સ્વચ્છ ભારત, સ્વસ્થ ભારત”ના સૂત્રને સાર્થક કરવામાં આવશે. આ કાર્યક્રમમાં સંસ્થા દ્વારા જેસીબી અને ટ્રેક્ટર-ટ્રોલી જેવી સુવિધાઓ પૂરી પાડવામાં આવશે, જ્યારે ગ્રામજનોને સ્વૈચ્છિક શ્રમદાન કરીને સહયોગ આપવા વિનંતી કરવામાં આવી છે. આ અભિયાન ફક્ત ગામતળમાં જ હાથ ધરાશે, અને દરેક ગામ માટે એક દિવસ ફાળવવામાં આવશે.
આ સેવા કાર્યમાં સહભાગી થઈને આપ પણ સ્વચ્છતા પ્રત્યેની તમારી જવાબદારી નિભાવો અને સ્વસ્થ સમાજના નિર્માણમાં યોગદાન આપો. આ અભિયાન સૌના સહિયારા પ્રયાસોથી જ સફળ થશે અને મુંદરા તાલુકામાં સ્વચ્છતાનો નવો અધ્યાય શરૂ થશે.
વધુ માહિતી અને સહયોગ માટે સંપર્ક:
* જીગર તારાચંદભાઈ છેડા (પ્રમુખ, શ્રી સાર્વ સેવા સંઘ (કચ્છ) ભુજ અને શ્રી કવિઓ જૈન મહાજન, ભુજ) – ૮૦૦૦૦ ૧૦૦૦૦
* ભાવેન્દ્રસિંહ જાડેજા (નવીનાળ) – ૯૮૨૫૮ ૩૭૭૦૪
* રામભાઇ ગઢવી (મોટા કાંડાગરા) – ૭૦૧૬૧ ૬૭૮૪૪
(વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો : પુજા ઠક્કર, 9426244508, ptindia112@gmail.com)
