વાત્સલ્યમ્ સમાચાર.

બ્યુરોચીફ  :- બિમલભાઈ માંકડ-ભુજ કચ્છ.

રિપોર્ટ  :- રમેશ મહેશ્વરી-ભુજ  કચ્છ.

ભુજ,તા-30 એપ્રિલ : લોકસભા ચૂંટણી ૨૦૨૪ અંતર્ગત જિલ્લામાં મતદાન જાગૃતિ બાબતે વિવિધ પ્રવૃત્તિઓ જિલ્લા ચૂંટણી અધિકારી અને કલેકટરશ્રી અમિત અરોરા અને નાયબ જિલ્લા ચૂંટણી અધિકારીશ્રી મેહુલ દેસાઈના માર્ગદર્શન હેઠળ થઈ રહી છે ત્યારે ચૂંટણી પંચ દ્વારા આપવામાં આવેલ ૧૫ દિવસીય મતદાન જાગૃતિ કાર્યક્રમ અન્વયે આજરોજ સમગ્ર જિલ્લામાં મતદારોને મતદાન મથક સુધી લાવીને મતદાન મથકની વિગતો દર્શાવતા બોર્ડ પાસે સેલ્ફી લેવડાવીને પ્રથમ વખતના મતદાતા મતદારોને તેમના મતદાન મથકોની ઓળખ આપવામાં આવી હતી અને મતદાન જાગૃતિનો સંદેશ વહેતો મૂકવામાં આવ્યો હતો.આજના દિવસે તમામ તાલુકાઓમાં તાલુકા વિકાસ અધિકારીશ્રીઓના માર્ગદર્શન હેઠળ મતદાન મથકની ઓળખ થાય તે હેતુસર સેલ્ફી કેમ્પેઇનના આજના આ કાર્યક્રમ થકી ફર્સ્ટ ટાઈમ વોટર તેમજ યુવા વોટરોમાં મતદાન જાગૃતિ માટે વિશેષ પ્રયાસ કરવામાં આવ્યો હતો. જિલ્લામાં તમામ સ્થળોએ આવા સેલ્ફી અભિયાન થકી સમગ્ર જિલ્લાના મતદારોમાં અનેરો ઉત્સાહ જણાયો હતો.જિલ્લા ચૂંટણી તંત્ર તૈયાર કરવામાં આવેલ વિશેષ સેલ્ફી પોઇન્ટ કે જે દરેક વિધાનસભા વિસ્તારોમાં મુકવામાં આવ્યા છે ત્યાં પણ મોટા પ્રમાણમાં યુવાનોએ સેલ્ફી પડાવીને મતદાન માટેની પ્રતિબદ્ધતા વ્યક્ત કરી હતી. સમગ્ર અભિયાનમાં મોટી સંખ્યામાં યુવા મતદારો જોડાયા હતા અને અન્ય મતદારો જોડાયા હતા.સમગ્ર કાર્યક્રમનું TIP નોડલ અધિકારી અને જિલ્લા વિકાસ અધિકારી શ્રી એસ.કે.પ્રજાપતિ નેજા હેઠળ SVEEP નોડલ અધિકારી શ્રી બી.એમ.વાઘેલા,મદદનીશ નોડલ શ્રી જી.જી.નાકર, શિવુભા ભાટી અને તેમની ટીમ દ્વારા કરવામાં આવ્યું હતું.